Reinhard serbisu ona iha Austrália ba tinan-tolu, fila ba Austrália kada époka hodi tau-matan ba kolleta berry nu’udar supervisor ida liuhosi programa PALM. Iha ne’ebé programa ne’e hahú nu’udar oportunidade ida ba asesu rendimentu ne’ebé di’ak liu ba nia-an ho nia família, agora sai ona hanesan misaun ida hodi tau-matan ba nia ekipa, no mós ninia komunidade en-jerál iha Timor-Leste.
Reinhard ninia desizaun ba tuir programa PALM tanba motiva husi realidade katak iha limitasaun ba oportunidade servisu iha Timor-Leste.
Determina hakarak muda ida ne’e, Reinhard kaer metin oportunidade ba serbisu iha Australia.
Reinhard ninia dedikasaun no kualidade lideransa hetan impresaun, no nia hetan promosaun ba kaer papél supervizaun ida, tau-matan époka kolleta ba berry nian, hala’o operasaun ba mákina sira, no tulun ninia maluk traballadór sira husi Pasífiku.
“Ha’u bele serbisu hamutuk ho ema barak iha ne’e, ema laran di’ak sira iha ne’e… Ami serbisu hamutuk iha unidade nia laran no tulun malu hodi hala’o serbisu di’ak ida,” nia dehan.
Liuhosi klima ne’ebé manas, dadeer ne’ebé malirin, no udan iha loron balu, Reinhard nia esforsu lidera liuhosi ezemplu no nia reflete katak, “ami haksolok serbisu iha ne’e ho traballadór hot-hotu no mós ho ami nia supervisor.”
Sai husi to’os ona, Reinhard nia responsabilidade ba tau-matan pesoál nian klean tebes. Nu’udar maun boot iha família uma-laran, nia Haruka osan ba ninia uma-laran hodi tulun ninia alin na’in tolu nia edukasaun no tulun harii uma foun ida ba nia inan-aman sira.
“Ha’u sente, nu’udar maun boot iha uma laran, nune’e ha’u tenke foti responsabilidade ba tau-matan ha’u nia alin sira, entaun ha’u haruka osan hodi suporta sira nia edukasaun no mós suporta ha’u nia família ba sira nia nesesidade lorloron.”
Haree ba oin, Reinhard ninia mehi hahú negósiu ida iha Timor-Leste; vizaun ida ne’ebé nia harii tuir nia ambisaun hakarak hametin komunidade. Nia esplika katak hahú negósiu ida katak nia “bele fornese oportunidade serbisu ba sira hodi nune’e sira iha serbisu ida iha ne’ebá, nune’e ha’u bele suporta sira lor-loron.”
Nia agradese ba ninia partisipasaun iha programa PALM ne’ebé tulun nia ho abilidade esensiál sira.
“Lisaun ne’ebé mak ha’u hetan iha moris iha ne’e, inklui reziliénsia no adaptabilidade ba ambiente foun, jestaun tempu no planeamentu ba osan no interkambiu iha kultura, no kompriende malu.”
Reinhard halo buat sira ho baze tanba domin. Hahú ho suporta ba nia inan-aman no maun-alin sira, tulun ninia ekipa durante dezafiu iha tempu kolleta sira, no hatutan ninia mehi ba haforsa ninia komunidade iha Timor-Leste. Serbisu iha Austrália lori nia hakat besik liután ba nia hodi kria futuru ida ne’ebé fahe oportunidade no kreximentu hamutuk.
