OEKUSI, 27 Abríl 2026 (TATOLI) – Segunda-feira ne’e, Polísia Siéntika Investigasaun Kriminál (PCIC), lidera hosi Inspetór Xefe Polísia, Mario Soares, halo buska no apreensaun iha Gabinete Prezidente Autoridade Rejiaun Administrativa Espesiál Oekusi Ambeno (RAEOA) Régio da Cruz Salu.
Observasaun jornalista Ajénsia Tatoli,I.P, observa katak PCIC to’o iha Gabinete PA RAEOA iha tuku 07:30 hodi hein Prezidente Autoridade RAEOA. Hafoin tuku 08:30 Prezidente Autoridade RAEOA to’o iha nia Gabinete PA RAEOA, no la autoriza mídia sira atu asesu.
“Favór ida, mídia sira labele tama, hein iha li’ur de’it, sai mai mak entrevista,” Inspetór Xefe Polísia, Mario Soares, hateten ba jornalista sira.
Oras ne’e daudaun Jornalista Tatoli, I.P nafatin hein hela iha terrenu hodi akompaña prosesu averiguasaun no investigasaun iha terrenu.
Jornalista: Abílio Elo Nini
Editór: Rafael Ximenes de A. Belo
