DILI, 13 Maiu 2026 (TATOLI)-Administradór Postu Administrativu Kristu Rei, Munisípiu Dili, Fernando Araújo, apela ba komunidade atu labele soe lixu iha área Fatuahi.
Autoridade ne’e preokupa tanba loja balun lori lixu ho kuantidade barak la bá soe fo’er iha lixeiru Tíbar, maibé soe fali iha área Fatuahi no halo lixu naklekar arbiru besik iha área estrada nian.
Maski parte autoridade fó ona avizu, maibé komunidade laiha konxiénsia nafatin, tanba antes ne’e tau ona kuadru avizu iha fatin referidu, maibé hetan estragu tanba ne’e sei tau hikas iha tempu badak.
Administradór ne’e husu ba sidadaun hotu atu iha konxiénsia labele soe fo’er arbiru no ba loja sira atu bá fakar iha liseira Tíbar ne’ebé Governu prepara ona, tanba soe lixu arbiru fó impaktu tebes ba ambiente no aspetu seluk tan.
Antes ne’e, deputada husi Bankada Kongresu Nasionál Rekonstrusaun Timorense (CNRT, sigla portugés), Maria da Rosa Câmara Bisoi, levanta preokupasaun kona-ba lixu ne’ebé naklekar arbiru iha área Fatuahi, nune’e husu ba entidade kompetente atu toma atensaun.
Jornalista: Nelson de Sousa
Editora: Maria Auxiliadora
