KOVALIMA, 08 Juñu 2026 (TATOLI)- Ministra Solidariedade Sosiál no Inkluzaun (MSSI), Veronica das Dores, akompaña husi Prezidente INSS hamutuk Autoridade Kovalima observa direta no distribui nesesidade bázika ba vítima dezastre naturál ho tipu iha Aldeia Ila, Suku Belekasak, Postu Administrativu Maucatar no Munisípiu Kovalima.
“Ha’u haree kondisaun ha’u tiste tanba imi konstrui imi nia hela fatin ho kosar been rasik. Maibé ami ajuda ai-han, Kona-bá ai han ha’u promete prontu atu apoiu maibé buat sira ne’e uza ho temporáriu de’it laiha durasaun bainhira presiza bele ko’alia tan atu ami lori mai”, Ministra MSSI ,Veronica das Dores hato’o molok distribui nesesidade bázika ba komunidade afetadu iha Kovalima.
Iha fatin hanesan, Xefe Suku Belekasak, Leonito Gusmão esplika katak Dezastre Naturál ne’ebé akontese iha Aldeia Ila, Suku Belekasak, Postu Administrativu Maucatar ne’e akontese iha Maiu.
“Ita akompaña hela situasaun ita nia natureza mak hanesan ne’e ona dezastre naturál hahú kedas iha 25 no 26 maiu halo dezastre naturál ho tipu erozaun husi fó afeitadu ba komunidade sira”, nia informa.
Tuir dadus Família vítima ba dezastre naturál, iha Aldeia Ila Suku Belekasak, Postu Administrativu Maucatar hamutuk 56 husi númeru ne’e iha uma-kain 17 mak hetan estragu totál, inklui vítima nia plantasaun no uma lisan husi dezastre naturál vítima sira ne’e autoridade evakua ona ba iha fatin seguru.
Jornalista:Celestina Teles
Editór: Florencio Miranda Ximenes
