DILI, 25 Juñu 2026 (TATOLI)—Bósnia no Herzegovina asegura nia vitória dahuluk iha Kopa Mundiál FIFA 2026. Golden Lilies halakon Qatar ho 3-1 no mantein sira-nia oportunidade atu kualifika ba ronda tuir mai.
Bósnia hasoru Qatar realiza iha Estádiu Seattle iha Kinta madrugada oras Timor-Leste nian..
Vitória ne’e tau Bósnia no Herzegovina iha terseiru lugar iha Grupu B Kopa Mundiál ho pontu 4. Sergej Barbarez nia ekipa agora daudaun mantein entre ekipa ualu ne’ebé di’ak liu iha terseiru lugar.
Entretantu, Qatar hetan eliminasaun hosi Kopa Mundiál 2026. Defeza kampeaun Kopa Ázia nian hetan de’it pontu 1 hosi jogu 3, laiha manán.
Bósnia joga ho agresivu hahú kedas iha inísiu. Impase ne’e kotu ba ekipa europeia iha minutu 29.
Kerim Alajbegovic halai besik ba kaixa penalidade Qatar nian molok lansa suta maka’as ida ba baliza. Bola semo ba rede, hodi fó vantajen ba Bósnia ho 1-0.
Bósnia duplika sira nia vantajen iha minutu 34. Jogadór Qatar Sultan Al Brake hatama bola ba nia rede rasik hafoin halo sala kruzamentu ida. Bósnia manan 2-0.
Qatar hamenus défisit iha minutu 43. Hassan Al Haydos hasoru Edmilson Jr. nia redusaun iha kaixa penalidade Bósnia nian no hatama ba uma.
Al Haydos nia golu taka primeira parte. Bósnia lidera 2-1 iha intervalu.
Qatar besik atu halo empata hafoin deskansa. Akram Afif nia suta iha minutu 56 kona rede laterál.
Envezde marka golu, Qatar sofre iha minutu 80. Dala ida-ne’e, Ermin Mahmic manán guarda-rede Mahmoud Abunada.
Mahmic hatama pasajen badak Dennis Hadzikadunic nian ba uma, hodi fó vantajen ba Bósnia ho 3-1, pontu finál.
Bósnia no Herzegovina nia jogadór
Nikola Vasilj; Arjan Malic, Nikola Katic, Stejpan Radeljic, Sead Kolasinac; Esmir Bajraktarevic, Ivan Sunjic, Kerim Alajbegovic; Ermedin Demirovic, Edin Dzeko.
Qatar nia jogadór
Mahmoud Abunada; Pedro Miguel, Issa Laye, Boualem Khoukhi, Sultan Albrake; Karim Boudiaf, Ahmed Fathy, Jassem Gaber; Edmilson Junior, Hasan Al Haydos, Akram Afif.
Jornalista : Hortêncio Sanchez
Editór : Cancio Ximenes
