DILI, 28 Juñu 2026 (TATOLI) – Ekipa nasionál Inglaterra marka sira-nia billete ho poder tomak ba dezasseis-avos-de-final – faze eliminatória (jornada 32) Kopa Mundiál 2026. Susesu ne’e mai hafoin “The Three Lions” halakon Panamá ho eskor 2-0 iha jogu ikus Grupu L nian, ne’ebé hala’o iha Estádiu Nova Jersey, Domingu madrugada (oras Timor-Leste). Vitória ne’e lori Inglaterra sai kampiaun grupu ho pontu hitu.
Bainhira jogu hahú, ekipa rua hatudu intensaun atake ne’ebé maka’as, hodi hatán ho tranzisaun lalais iha parte rua. Iha primeira parte, Inglaterra kaer kontrolu kompletu ba jogu, rejista pose ida-ne’ebé maka’as ho 75%. Maibé, Thomas Tuchel nia ekipa kontinua halai hasoru “muru defeza” Panameña nian, ne’ebé dezeña ho estratéjiku hodi taka dalan hotu ba baliza.
Hanesan resposta, Panamá mós la’ós de’it defende no buka perigu liuhusi kontra-atake venenozu sira. José Luis Rodríguez no nia ekipa hamosu ameasa ba baliza Jordan Pickford nian, hodi obriga defeza inglés atu serbisu maka’as hodi evita ameasa ne’ebé maka’as liutan.
Maski laiha efikásia iha minutu 45 dahuluk, Tuchel opta atu la muda formasaun iha intervalu, mantein nia konfiansa iha onze titulár no estratéjia ida ne’ebé bazeia ba pasiénsia akadémika. Nune’e, ekipa rua ne’e hakat ba vestiáriu ho skor 0-0.
Dolar ba segunda parte jogu sai manas liu, ekiipa rua nafatin lansa atake ba malu, maibé Panama susar atu kombate nia jogu, basá Ingaletrra organizadu tebes iha lina defeza, Panama susar atu ultrapasa.
Iha minutu 52, mosu konfrontu ida iha baliza panameza nia oin ne’ebé envolve Harry Kane. Maibé, Panamá konsege evita atu sofre golu ida.
Minutu tolu liutiha, onda seluk hosi atake sira mai hosi Inglaterra. Dala ida-ne’e, Marcus Rashford nia suta la kona iha alvu, rezultadu nafatin 0-0.
Jogu kontinua la’o, golu ne’ebé Inglaterra hein kleur ona ikus mai mosu iha minutu 62 liuhosi Jude Bellingham. Hahú hosi kantu ne’ebé mak nia kolega Bukayo Saka halo, Bellingham konsege hatama bola liuhosi baliza, hodi halo nakdoko rede panameza nian. 1-0 akontese.
Bellingham nia golu parese hasai todan ida hosi Inglaterra nia kabas. Minutu lima liutiha, Inglaterra duplika sira nia vantajen liuhosi Harry Kane.
Bellingham, ne’ebé hala’o operasaun iha sorin karuk, ho susesu haruka pasajen ida liuhosi baliza. Harry Kane iha pozisaun perfeitu atu lori bola ba rede Panama nian, ikus guarda rede la salva Harry Kane nia bola rezultadu muda ba 2-0.
Iha tempu restu, Inglaterra kontinua halo presaun ba Panamá hodi buka golu seluk. Ida-ne’e loos liuliu ho introdusaun hosi jogadór foun oioin, hanesan Eberechi Eze, Jordan Henderson, no Ollie Watkins.
Panamá mós buka golu ida iha tempu ne’ebé restu. Maibé, skor 2-0 mantein to’o jogu remata.
Husi vitoria ne’e lori Inglarerra hakur ona ba jornada 32, basá manán iha faze grupu hodi rekolla pontu hitu, enkuantu Panama tenke fila ona ba nia nasaun, tanba iha jogu dala tolu nunka manán no okupa pozisaun ikus liu grupu L.
Aliñamentu Jogadór sira
- Panamá: Orlando Mosquera; Amir Murillo, Fidel Escobar, Jose Cordoba, Andres Andrade, Jorge Gutierrez (Eric Davis 88′); Cristian Martinez, Edgar Barcenas (Ismael Diaz 71′), Carlos Harvey (Alberto Quintero 88′), Jose Luis Rodriguez (Azarias Londono 71′); Tomas Rodriguez (Jose Fajardo 45′).
- Inglaterra: Jordan Pickford; Jarell Quansah (Djed Spence 63′), Ezri Konsa, Marc Guehi, Nico O’Reilly; Elliot Anderson (Jordan Henderson 84′), Jude Bellingham (Eberechi Eze 71′); Bukayo Saka (Noni Madueke 63′), Morgan Rogers, Marcus Rashford; Harry Kane (Ollie Watkins 84′).
Jornalista: Hortêncio Sanchez
Editór: Rafael Ximenes de A. Belo
