DILI, 04 Jullu 2026 (TATOLI)—Lionel Messi hetan prémiu jogadór di’ak liu iha jogu Arjentina hasoru Kabu-Verde iha jogu 32 Kopa Mundiál 2026, maibé Messi mós rekoñese guarda-rede Kabu-Verde, Vozinha ne’ebé koñesidu mós ho naran Josimar Jose Evora Dias, sai baliza di’ak-liu.
Notísia Relevante: Kabu-Verde halo Arjentina dada iis naruk molok ekipa Tango hakat ba jornada 16
Lionel Messi kontribui ba susesu kualifikasaun Arjentina nian ba Jornada 16 Kopa Mundiál 2026 hafoin halakon Kabu Verde iha sábadu dadeer ne’e.
Joga iha Estádiu Miami, jogu Arjentina hasoru Kabu-Verde deside iha tempu adisionál. Eskoru finál 3-2, hafoin ekipa rua empata 1-1 iha tempu normál.
Lionel Messi mak loke golu ba Arjentina iha Kopa Mundiál 2026. Nia marka golu iha minutu 29.
Golu ida-ne’e tau fali Messi iha lista markadór di’ak-liu sira Kopa Mundiál 2026 nian ho golu hitu (7) ne’ebé provizóriu liu golu ida (1) liu Kylian Mbappé husi Fransa.
Messi nia Dezempeñu hasoru Kabu Verde, Messi nia golu mai husi preparasaun iha meiu-kampu. Atake ne’e hahú ho bola ne’ebé lais, molok Lisandro Martinez haruka pasajen naruk ba kaixa penalidade.
Lionel Messi konsege eskapa husi nia defeza Kabu Verde nian, kontrola bola ho atake ida de’it, depois hasa’e liu husi Vozinha. Bola ne’e monu iha kantu besik baliza nian, hodi fó vantajen 1-0 ba Albiceleste hasoru Kabu Verde.
Lionel Messi konsege eskapa husi nia defeza Kabu Verde nian, kontrola bola ho atake ida de’it, depois hasa’e liu husi Vozinha. Bola ne’e monu iha kantu besik baliza nian, hodi fó vantajen 1-0 ba Albiceleste hasoru Kabu Verde.
Golu ne’e ikusmai hetan konsiderasaun hanesan golu rasik hosi Diney Borges. Maske nia la konsege rejista nia asisténsia dahuluk iha Kopa Mundiál 2026, Messi nafatin iha papél krusiál iha rezultadu golu nian.
Arjentina hasoru Kabu Verde Tuir Fotmob, estatístika Lionel Messi nian iha jogu ne’e interesante tebes. Maski ho tinan 39, Messi forte tebes hodi joga durante minutu 120.
Treinadór Arjentina, Lionel Scaloni, la koko atu troka Messi, maske jogu ne’e tama iha tempu adisionál.
Golu Furak Habelar Esperansa Blue Sharks nian Durante nia oras rua iha kampu, La Pulga kria oportunidade tolu no rejista totál suta neen iha alvu hasoru Kabu Verde. Aleinde ne’e, nia ezatidaun pasajen nian iha jogu ida-ne’e atinji pursentu 84 (pasajen susesu 36 hosi totál 43).
Klasifikasaun Messi nian iha jogu ne’e atinji 8.7. Ho estatístika sira-ne’e, Messi hatudu nafatin nia brani ho Arjentina, maski nia besik iha tinan 40-resin.
Messi rekoñese Vozinha sai guarda-rede di’ak-liu
Guarda-rede Kabu-Verde, Vozinha ka naran loloos Josimar Jose Evora Dias, sai hanesan ameasa ida-ne’ebé loos ba Arjentina hasoru Kabu-Verde iha Jornada 32 Kopa Mundiál 2026 nian. Maske Kabu Verde lakon ho golu 2-3 maibé Vozinha halo dezempeñu ne’ebé destakadu no brillante, halo Messi fó karimbu ba nia hanesan guarda-rede di’ak-liu tuir versaun Messi nian.
Jogu ne’ebé realiza iha Estádiu Miami Sábadu dader oras Timor-Leste nian, Vozinha iha movimentu beibeik, hodi proteje nia baliza husi asaltu Arjentina nian durante minutu 120 nia laran.
Tuir FIFA Live Blog, Vozinha halo salvasaun bola ualu iha jogu ne’e. Husi sira-ne’e, haat maka hasoru Lionel Messi.
Vozinha nia salvasaun dahuluk mosu iha minutu hitu. Ryan Mendes nia esforsu hetan negasaun ho fasil. Hafoin, iha minutu 18, Vozinha nega bola livre husi Messi.
Iha primeira parte nia rohan, iha minutu 45, Vozinha halo salvasaun husi Enzo Fernandez. Vozinha nia dezempeñu impresionante kontinua iha segunda parte.
Bainhira hasoru malu ho Messi iha minutu 62, Vozinha halo salvasaun ne’ebé notável. Hasoru Messi, Vozinha la tauk.
Liutiha minutu sanulu, Vozinha nega tan oportunidade ida ba Messi. Iha tempu ida-ne’e, guarda-rede ho tinan 40 ne’e ho matenek salva suta livre ida hosi La Pulga.
Vozinha mós salva bola ida ne’ebé namkari hosi Messi, ne’ebé hetan blokeiu hosi defeza Kabu Verde nian iha minutu 90+5. Iha minutu hanesan, Vozinha salva oportunidade husi Julian Alvarez.
Vozinha nia salvasaun ikus mosu iha minutu 105+1. Dala ida tan, Messi hetan paradu. Iha minutu 120 nia laran, Vozinha impede oportunidade marka golu haat ba Messi.
Infelizmente, Vozinha nia halai impresionante ofisialmente remata ho derrota Kabu Verde nian ho 2-3 hasoru Arjentina. Maibé, Vozinha nia naran konserteza hanesan jogadór ida ne’ebé sei nabilan iha Kopa Mundiál 2026.
Jornalista sira entrevista Vozinha
Jornalista: “Vozinha, hafoin árbitu lian ikus (final), imi la’o ba Lionel Messi. Saida mak imi na’in-rua hateten ba malu?”
Vozinha: “Ha’u bá hasoru nia, no antes ha’u bele hateten buat ruma, nia hakuak ha’u no dehan: ‘Di’ak. Ita-boot mak guarda-rede ne’ebé di’ak tebes. Ita-boot nia ema sira tenke orgullu tebes ho ita-boot.’ Rona ida-ne’e husi ema ida hanesan Lionel Messi signifika buat barak mai ha’u.”
Vozinha: “Ha’u agradese ba nia no dehan: ‘Obrigado, Leo. Ó maka di’ak-liu.’ Depois ha’u husu nia kamizola, no nia hamnasa no dehan: ‘Klaru katak ha’u sei fó ida-ne’e ba ó iha vestiáriu.’ Ha’u sei hanoin momentu ida-ne’e ba ha’u-nia moris tomak.”
Mundu futeból liuliu iha Kopa Mundiál 2026 ne’e, hamosu jogadór simples no haraik-an hanesan lionel messi no Vozinha.
Jornalista : Hortêncio Sanchez
Editór : Cancio Ximenes
