DILI, 06 Jullu 2026 (TATOLI)-Parlamentu Nasionál liuhusi reuniaun plenária, ohin, autoriza ona asentimentu dezlokasaun Prezidente Repúblika (PR), José Ramos Horta, bá Vanuatu.
Tuir termu efeitu númeru 1 iha artigu 80 no aliñea h), númeru 3 iha artigu 95 iha Konstituisaun ho meiu ne’e Xefe Estadu solisita ba Parlamentu Nasionál nesesáriu konsentimentu préviu ba realizasaun dezlokasaun ho natureza ofisiál vizita Vanuatu hodi partisipa iha aniversáriu indepedénsia Repúblika Vanuatu ba da-46, ne’ebé realiza iha Port Villa, entre 27 até 31 Jullu 2026, tuir konvite simu husi Primeiru-Ministru Vanuatu, Jotham Napat.
Xefe Estadu sei bá Vanuatu iha loron 27 Jullu, no hafoin ne’e, kontinua viajen bá Melbourne, Austrália iha 31 Jullu.
Ramos-Horta informa vizita natureza privada bá Melbourne-Austrália hodi partisipa iha serimónia tinan aniversáriu ba da-50 ba xegada refujiadu timoroan dahuluk iha Austrália iha sekuénsia funu sivíl Agostu 1977 ne’ebé sei komemora iha loron 01 fulan-Agostu tinan ne’e.
Prezidente Repúblika sei fila mai Timor-Leste iha loron 03 Agostu.
Jornalista: Nelson de Sousa
Editora: Maria Auxiliadora
