DILI, 19 april 2022 (TATOLI)-Eleisaun segunda volta prezidente repúblika, Sentru Paralelu INAP ((Institutu nasionál administrasaun públika), kandidatu prezidente ho númeru sorteiu ida (1), José Ramos Horta hetan númeru votu boot liu kandidatu ho sorteiu númeru rua (2), Francisco Guterres, ‘Lú Olo’.
Husi kontajen votu kandidatu Prezidente, José Ramos Horta hetan maioria ho votus 1,084 no kandidatu Prezidente, Francisco Guterres ‘Lú Olo’ hetan votu 219. Husi kandidatu rua ne’e, votu nulu rua no votu branco ida.
Sentru paralelu INAP, Comoro, lokaliza iha postu Administrativu Dom Aleixo, Munisípio Dili, iha Polísia Akademia, Comoro nia oin.
Sentru paralelu ida ne’e fasilita vontante sira ne’ebé nia kartaun eleitorál iha munisípiu sira, ne’ebé antes ne’e tau ona naran iha Sekretariadu tékniku administrasaun eleitorál (STAE) nasionál hodi ezerse sira-nia direitu votu iha elisaun primeira volta no ohin kontinua ezerse sira-nia votu iha elisaun prezidensiál segunda volta.
Sentru paralelu INAP Comoro, simu de’it votante sira husi munisípiu Bobonaro, Ermera, Liquiça, Covalima inkluindu Rejiaun autonoma espesiál Oe-cusse Ambeno (RAEOA).
Jornalista: Camilio de Sousa
Editór: Rafy Belo
