DILI, 06 Marsu 2026 (TATOLI)—Prezidente Institutu Jestaun Ekipamentus Apoiu Dezenvolvimentu Infraetrutura (IGEADI), Ana Paula da Cruz, konsidera sedimentasaun hanesan rai-henek, fatuk no ai hirak ne’ebé mota lori tanba kauza husi komunidade ne’ebé gosta tesi ai no sunu rai arbiru inklui ke’e foho lolon sira hodi konstrui uma.
“Sedimentasaun sira-ne’ebé IADE halo intevensaun ba mota boot no ki’ik (kadalak) sira-ne’e la’ós de’it lori bee, maibé mós lori fatuk, ai no rai-henek,” Prezidente IGEADI ne’e informa ba Agência Tatoli liuhusi telefónika, ohin.
Iha tinan liman liubá ne’e, nia dehan, bainhira tempu udan mota tuun loro mak bee loos de’it maibé agora ne’e lae, mota tuun lori ai, fatuk no rai sira, konserteza komunidade seidauk iha konsiénsia di’ak ba ambiente sira-ne’ebé bele prezerva ekosistema rai no bee.
“Entaun, hanesan ho problema iha mota Gisu Maubara ne’e hanesan ne’e duni, mota tuun lori fatuk, ai no rai-henek sira, entaun rai-henek taka metin tiha mota dalan velosidade bee sulin namkari ba komunidade nia uma no toos sira,” nia hateten.
Tanba ne’e mak nia apela ba komunidade atu hapara ona hahalok ida tanba sei fó impaktu ba risku dezastre naturál nian, aleinde ne’e sira sei koordena ho ministériu relevante sira hodi haree asuntu ida-ne’e hodi asegura inundasaun
Jornalista : Alexandra da Costa
Editó : Cancio Ximenes
