DILI, (TATOLI) – Primeiru Ministru, Rui Maria de Araújo hateten, polítika governu sei kontinua profesionaliza instituisaun Polísia Nasionál Timor-Leste (PNTL).
“PNTL sei iha difikuldade barak, maibé ho ministru foun, komando PNTL foun buka atu rezolve kestaun sira ne’e, liliu iha área promosaun no halo esforsu iha ámbitu profesionaliza instituisaun”, Xefe Governu hatete ba jornalista sira iha Tibar, Sesta, (24/3), relasiona ho tinan PNTL ba dala 17 ne’ebé sei akontese loron 27 fulan-ne’e.
Nia mos apresia servisu PNTL durante eleisaun prezidensiál, tanba garante ordem públiku hodi mantein seguransa iha rai laran.
“Ha’u hodi governu nia naran hato’o votu parabéns ba polísia, hahú hosi superior, ofisiais to’o ajente sira, relasiona ho sira nia loron 27 Marsu ne’e”, deseju.
Jornalista: Agapito dos Santos
Editora: Rita Almeida
