DILI, (TATOLI) – Cacusan CF provizoriamente tún hodi hamaluk FC Porto Taibessi iha zona mean (zona degradasaun) ho pontu 4 no FC Porto Taibessi ho pontu 0.
Antes ne’e, Zebra FC maka túr iha zona mean maibé konsege haksoit hosi pozisaun perigu hafoin impata ho AS Ponta-Leste iha jogu jornada lima ne’ebé hala’o iha Estádiu Munisipál Baucau, Domingu (2/4). Oras ne’e, Zebra FC ho pontu 5.
Cacusan FC bele dudu tún hikas Zebra ba iha ninia fatin hakmatek nian (zona degradasaun) bainhira impata ou manán AD SLB Laulara iha re-jogu jornada lima ne’ebé la konsege realiza iha Estádiu Maliana iha Domingu semana kotuk tanba udan boot rezulta kampu nakonu ho bee.
Temporariamente, AD SLB Laulara kontinua lidera jogu jornada lima primeira divizaun Liga Futeból Amadora (LFA) ho pontu 10, joga dala haat, seidauk lakon, impata dala 1 no golu +5.
Carsae FC hetan pontu 9, joga dala 5, manán dala 2, impata dala 3, seidauk lakon no golu +5. Karketu Dili FC ho pontu 9, joga dala 5, manán dala 2, impata dala 3, seidauk lakon no golu +4.
AS Ponta Leste ho pontu 6, joga dala 5, manán dala 1, impata dala 3, lakon 1 no golu +4. Académica FC ho pontu 5, joga dala 5, manán dala 1, impata dala 2, lakon dala 2 no golu +1. Zebra FC ho pontu 5, joga dala 5, manán dala 1, impata dala 2, lakon dala 2 no golu -2.
Cacusan CF ho pontu 4, joga dala 4, manán dala 0, impata dala 4, lakon 0 no golu 0. FC Porto Taibessi ho pontu 0, joga dala 5, manán 0, lakon dala 5, impata 0 no golu -17.
Jornalista: Xisto Freitas
Editora: Rita Almeida
