DILI, (TATOLI) – Prezidente Repúblika, Taur Matan Ruak promulga ona lei pensaun vitalísia hafoin Tribunál Rekursu la-identifika inkonstituilidade hosi alterasaun ne’e rasik.
“Horiseik (19/4) prezidente promulga ona lei armas brancas ou lei arte marsiais, lei eis propriasaun no lei pensaun vitalísia”, dehan Prezidente Parlamentu Nasionál, Aderito Hugo da Costa hafoin enkontru ho Xefe Estadu iha Palásiu Prezidensiál Bairo-Pite, kinta (20/4).
Maske nune’e, husu ba deputadu sira atu konsidera preokupasaun balun. “Maske promulga maibé ho mensajen balun kona-ba posizaun Prezidente nian ba lei pensaun vitalísiaʺ, katak.
Lei rai no lei eleisaun parlamentár maka Prezidente Repúblika seidauk promulga tanba sei iha Tribunál Rekursu.
Lei pensaun, fó pensaun ba eis titulár sira hanesan Prezidente Repúblika, Parlamentu, Governu, Tribunál hafoin termina mandatu durante tinan lima.
Jornalista: Agapito dos Santos
Editora: Rita Almeida
