DILI, (TATOLI) – Vise-Ministru Administrasaun Estatál (MAE), Tomas Cabral iha aprezentasaun sobre esperiénsia Timor-Leste iha kooperasaun F2F (Fragile to Fragile) tulun Estadu tolu iha nia prosesu estabilizasaun no rekonstrusaun nasionál.
Iha tinan 2013 to’o 2015 Timor-Leste deside atu halo programa tolu kooperasaun iha domíniu eleitorál ho Repúblika Giné-Bisau, Repúblika Demokrátika Saun Tomé no Prinsípe no Repúblika Sentru Amerikanu.
Ajuda ne’ebé Estadu Timor-Leste fó ne’e tanba nasaun tolu ne’e husu apoiu iha área eleitorál. Estadu tolu ne’e membru husi inisiativa g7+ ne’ebé mak Timor-Leste to’o oras ne’e promove hela ho empeñu boot.
Kooperasaun iha área eleitorál ne’e tanba prosesu iha Timor-Leste hala’o ho di’ak tebes husi 2002 hanesan riin fundamentál ida ba prosesu kontrusaun Estadu Direitu Demokrátiku ne’ebé mak timoroan tomak hakarak no ne’ebé prevé iha Konstuituisaun.
Kontestualizasaun apaiu ne’ebé Timor-Leste fó ba Giné-Bisau ho kustu US 6.000.0000. Aleinde ne’e apoiu ba introdús sistema resensiamentu eleitorál ho dadu biométriku, dezenvolve software resensiamentu eleitorál ne’ebé adapta ho nesesidade iha Giné-Bisau no tuir kuadru jurídiku Estadu ida ne’e.
“Doasaun ba Governu Giné-Bisau nia servidór ida ba harii baze dadus resensiamentu eleitorál nian”.
Doasaun ba kits (ekipamentu kikoan) no software (programa komputadór) 150 ba hala’o operasaun hirak ba resensiamentu eleitorál, halo atividade formasaun, fó asisténsia téknika, finansiamentu ba imprime lista eleitorál.
Jornalista: Maria Auxiliadora
Editora: Rita Almeida
