DÍLI (TATOLI) – Governu Timor-Leste (TL) halo parseiru ho Gemalto (Euronext NL0000400653 GTO), ne’ebé hanesan líder iha mundu ba seguransa digital hodi halo emisaun (hasai) ba passaporte elektróniku (ePassports) ba sidadaun sira.
Tuir nota komunikadu ne’ebé TATOLI asesu ohin, Sesta, (09/06) haktuir katak, Governu Timor-Leste investe atu moderniza servisu ba sidadaun sira. Ho Gemalto, autoridade sira bele halo rejistu aplikasaun passaporte elektróniku, kaptura sira nian impresaun digital (fingerprints) iha eskritóriu no embaixada ne’ebé sira hili ona, no emisaun dokumentus viagem uza teknologia digital seguransa foun.
Pasaporte eletróniku prodús iha oin haat hanesan pasaporte diplomátiku, pasaporte komún, pasaporte serbisu no pasaporte estranjeiru.
Passaporte elektróniku ne’e iha kapasiadade hanesan padraun ne’ebé hatuur ona husi Organizasaun internasional aviasaun sivil ICAO (International Civil Aviation Organization) ne’ebé bele halo rejistu fasil, kaptura dadus biométriku, hadia falhansu no dadus, no emisaun dokumentu seguru.
Rekursu ne’e hotu servisu hamutuk atu garante seguransa ne’ebé diak no fó protesaun ba dadus pessoál. Gemalto ho ninian parseiru lokál, Mitra Unipessoal Lda fó servisu no suporta ba manutensaun. KOMSCO (Korea Minting and Security Printing Corporation) halo ona subkontratu atu produz bukleta passaporte.
“Agora ami iha kapasidade ona atu halo emisaun ne’ebé ho seguru ne’ebé hatuur ona husi ICAO, tamba ne’e sidadaun sira bele ses husi inkonveniensia wainhira halo viajen” Ministru Justisa Ivo Valente haktuir.
No dehan, Gemalto permite atu halo migrasaun ba dokumentu viagem elektróniku fasil no konfidensiál. Ida ne’e funsiona ho impresaun prinsipais, sentraliza no desentralizasaun emisaun hodi fasilita Timoroan sira bele halo viagen ba nasaun hotu ho seguru no iha privasidade.
Iha fatin hanesan, vise Prezidente Programa Governasaun Gemalto Azia, Ng Fook-Seng realsa, Gemalto suporta husi ICAO Traveler Identification Program (TRIP ).
“Gemalto prontu atu suporta Timor-Leste atu hakat ba passaporte elektróniku ne’ebé seguru,” Ng Fook-Seng hakotu lia.
(Jornalista: Julia Chatarina)
(Editór : Manuel Pinto)
