DILI, 17 fevereiru 2020 (TATOLI) – Akordu kooperasaun entre Ministériu Justisa (MJ) ho Universidade Coimbra, Portugal, atu haruka Timoroan na’in 20 ba kontinua sira nia estudu iha area juiz no prokuradór la konsege realiza iha tinan ne’e tanba orsamentu ne’ebé MJ prevee iha planu Orsamentu Jerál Estadu (OJE) 2020 la liu iha Parlamentu Nasional.
“Planu ne’e la konsege, tanba ita hotu hatene OJE 2020 la hetan aprovasaun iha Parlamentu Nasionál,” hateten Ministru Justisa, Manuel Cárceres da Costa, hodi responde Ajénsia Tatoli, ohin, iha nia servisu fatin, Dili.
Notísia Relevante : MJ Sei Oferese Bolsu Estudu ba Timoroan Na’in 20
Tuir planu, iha tinan 2020, Ministériu Justisa sei hahú halo rekrutamentu ba timoroan na’in 20 ne’ebé hasai ona kursu lisensiatura iha area direitu hodi bele ba kontinua sira nia estudu durante tinan haat atu hasai juiz no prokuradór. Maibé, planu ne’e pendente hodi hein orsamentu foun iha tinan mai.
Jornalista : Nelson de Sousa
Editór : Francisco Simões
