COVALIMA, 16 setembru 2021 (TATOLI) – Ministériu Solidariedade Sosiál no Inkluzaun (MSSI) Covalima hahú halo levantamentu dadus ba família vulneravel iha Covalima.
“Programa prioridade MSSI agora halo levantamentu dadus ba família vulneravel iha territóriu nasionál. Iha Covalima hahú halo ona levantamentu dadus ba família vulneravel,” diretór MSSI Covalima, Agapito Asis ba Agência Tatoli iha nia kna’ar fatin, Suai Loro, kinta ne’e.
Razaun halo levantamentu dadus tanba MSSI presiza dadus ne’ebé kredivel no atuál hodi bele hatene kondisaun família vulneravel iha Munisípiu Covalima.
Durante ne’e MSSI Covalima simu pedidu hodi fó apoiu foos ba família vulneravel sira iha postu administrativu-sira pertense ba Covalima tui baze dadus ne’ebé tékniku sira halo levantamentu dadus.
Jornalista : Celestina Teles
Editór : Francisco Simões
