Timor-Leste ha’u-nia rain ó-nia rain no ita hotu nia rain Rai ne’ebé ita haree loromatan Rai ne’ebé ita haree fitun no fulan.
Timor-Leste fatin ita look bua no malus Timor-Leste,fatin ita ko’alia lia, lia fetosá-umané Timor-Leste fatin ne’ebé ita ko’alia lia maun-alin Timor-Leste ita simu matak-malirin hametin ita-nia lisan haburas ita-nia tradisaun.
Iha loron 7 dezembru 1975 husi lalehan tasi no rai-maran Ró-ahi manubesi ho liman-kro’at Indonézia nian/invade rai-lulik sala-laek Timor-Leste ho morteiru kañaun no sasán kro’at funu nian seluk.
Iha loron 7 dezembru 1975 hanesan loron ohin Timor-Leste simu konsekuénsia moruk ida husi nasaun jigante ida hanaran NKRI (Negara Kesatuan Republik Indonézia) Timoroan sira habokon sira-nia rain ho sira-nia raan rasik Timoroan sira habokon sira-nia knua/ho sira-nia matan-been rasik Terus no susar lakon no mate ruin lekar namkari lemorai husi hahalok liman-kro’at Indonézia nian.
Produsaun Tatoli I.P ©2021
