DILI, 14 dezembru 2021 (TATOLI)–Parlamentu Nasionál (PN) liuhosi debate no votasaun ba Proposta Lei Orsamentu Jerál Estadu (OJE) 2022 iha faze espesialidade, tersa ne’e, aprova verba ba autoridade Portuáriu Timor-Leste (APORTIL) ho rezultadu a-favór 40, kontra 0, abstensaun 9.
“Orsamentu ba APORTIL aprovadu,” Prezidente Parlamentu Nasionál (PPN), Deputadu Aniceto Longuinhos Guterres Lopes, deklara iha sala plenária.
Notísia relevante: APORTIL rekolla reseita millaun $2,6 iha janeiru-setembru hosi servisu portuáriu
Orsamentu hamutuk $2.925.042 fahe ba saláriu vensimentu $364.366, bens no servisu $2.560.677, kapitál menór, kapitál dezenvolvimentu no transferénsia públika laiha.
Aleinde ne’e verba ne’ebé prevee sei finasia ba programa rua hanesan transporte $2.154.610 no boa-governasaun no jestaun instituisionál $770.432.
APORTIL iha papél administra portu sira ne’ebé iha ninia área jurizdisaun haree ba explorasaun ekonómika, konservasaun no dezevolvimentu.
Jornalista : Arminda Fonseca
Editora : Julia Chatarina
