DILI, 22 marsu 2022 (TATOLI)— Ministériu Saúde relata kazu detetadu pozitivu foun lima, rekuperadu lima, no kazu ativu 15.
“Ohin kazu detetadu foun lima, rekuperadu lima no kazu ativu 15,” hateten Diretora Jerál Presstaun Saúde Odete da Silva Viegas liuhosi nota ne’ebé Agência TATOLI asesu,tersa ne’e.
Nune’e, hahú 21 marsu 2020 to’o 22 marsu 2022 iha kumulativu kazu konfirmadu 22.810 no óbitu 130.
Hosi horisehik mai ohin, Laboratóriu Nasionál Saúde halo teste PCR 189, kompostu vijilánsia sentinela laiha, rastreiu ba kontaku laiha, rastreiu aleatóriu 29, viájen internasionál 16 no follow up iha kuarentena laiha.
Alende ne’e, totál teste PCR ne’ebé halo iha 21 marsu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 107 hanesan Maubisse laiha, Maliana 14, Viqueque laiha, Suai 15, Baucau neen, Ermera laiha, RAEOA laiha, HNGV 72, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’eb é simu ona vasina to’o iha loron 22 marsu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (88,9%) no kumulativu 2ª doze iha Dili (83,6%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,2% no simu ona doze daruak 72,5%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante,
Iha loron 22 marsu 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida, baixa ho COVID-19 hamutuk ida.
Notísia Relevante:COVID-19: kazu pozitivu laiha, rekuperadu lima no ativu na’in-15
Jornalista: Felicidade Ximenes
Editór : Florencio Miranda Ximenes
