DILI,16 maiu 2022 (TATOLI)—Ministériu Saúde relata, kazu pozitivu foun laiha, rekuperadu laiha no kazu ativu na’in-12.
“Ohin kazu detetadu foun laiha, rekuperadu laiha no kazu ativu mak na’in-12” Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu, segunda ne’e.
Nune’e, hahú 21 marsu 2020 to’o 16 maiu 2022 iha kumulativu kazu konfirmadu 22.889 no óbitu 131.
Hosi horisehik mai ohin, Laboratóriu Nasionál Saúde halo teste PCR 30, kompostu hosi vijilánsia sentinela laiha, rastreiu ba kontaku laiha, rastreiu aleatóriu ida, viájen internasionál 29 no follow up iha kuarentena laiha.
Alende ne’e, totál teste PCR ne’ebé halo iha 15 maiu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 63, Maubisse laiha, Maliana laiha, Viqueque laiha, Suai 11, Baucau laiha Ermera laiha , RAEOA laiha, HNGV 25, Lautém laiha, Vera-Cruz laiha Manufahi laiha.
Populasaun elijível tinan 18 ba leten, ne’ebé simu ona vasina to’o iha loron 16 maio 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,7%) no kumulativu 2ª doze iha Dili (81,5%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 72,2%.
Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.
Iha loron 16 maio 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha iha baixa ho COVID-19 laiha.
Notísia Relevante: COVID-19: óbitu ida, rekuperadu tolu no ativu na’in-11
Jornalista: Felicidade Ximenes
Editór : Florencio Miranda Ximenes
