COVALIMA, 23 juñu 2022 (TATOLI)-TATOLI, I.P – ajénsia informasaun ofisiál Estadu Timor-Leste, koordena ho autoridade munisípiu Covalima identifika rai no propriedade ba futuru instalasaun espasu ba TATOLI, I.P Konsellu diretivu Agência Tatoli, I.P kompostu husi prezidente Tatoli. I, P, Manuel Pinto, Vise-prezidente asuntu administrasaun no finansa, Olandino da Costa, no Sekretária ezekutiva, Marcia Lay, hasoru-malu ho Sekretáriu munisípiu Covalima, Francisco de Jesus Alves, iha administrasaun munisípiu Covalima, tersa semana ne’e.
Prezidente Agencia Tatoli, I.P Manuel Pinto haktuir, objetivu hasoru-malu ne’e husu autoridade munisípiu ne’e bele oferese espasu ba Tatoli, I.P hanesan rai no propriedade nune’e bainhira implementa lei podér lokál no dezentralizasaun administrativa, Tatoli I.P bele serbisu di’ak liután iha divulgasaun informasaun ba interese nasionál.
Produsaun Tatoli I.P©2022
