DILI, 22 jullu 2022 (TATOLI)—Ajénsia Nasionál Avaliasaun Akreditasaun Akadémiku (ANAAA) ho akompañamentu Ministériu Ensinu Superior Siénsia no Kultura (MESSK), sesta ne’e, halo lansamentu avaliasaun institusionál programátika tinan 2021 ba kursu 128 iha Instituisaun Ensinu Superiór Públiku no Privadu (IESPP) hitu no atribuisaun sertifikadu akreditasaun.
Rezultadu avaliasaun hatudu katak hosi kursu 128, kursu 25 hetan klasifikasaun B, kursu 99 hetan klasifikasaun sufisiente no kursu haat la pasa.
Biban ne’e, Ministru Ensinu Superior Siénsia no Kultura (MESSK), Longuinhos dos Santos, enkoraja IESPP hodi garante kualidade.
“Husu ba entidade sira iha Ensinu Superiór Públiku no Privadu hotu atu serbisu hamutuk ho VIII Governu liuhosi MESSK atu hadi’a programa estudu hodi bele konkista kualidade,” Ministru hateten iha serimónia lansamentu avaliasaun, iha salaun Vila Verde.
Notísia relevante: ANAAA sei avalia kursu 24 husi Ensinu Superiór hitu
Nia dehan, maski país atinje ona tinan-20, maibé to’o agora Instituisaun Ensinu Superiór sira seidauk bele konkista kualidade, tanba ne’e maka kursu sira seidauk iha ida maka hetan klasifikasaun exelente ka A.
Dili Institute of Technology (DIT) rasik iha fakuldade programa Mestradu kursu Administrasaun Negósiu hetan pontuasaun 268,94 ekivalente 67% ho klasifikasaun C.
Institute of Technology (IOB) fakuldade Informasaun Komunikasaun Teknolojia kursu Kontabilidade Komputasaun grau Baxarelatu hetan pontuasaun 239,10 ekivalente 60% ho klasifikasaun C.
Universidade de Dili (UNDIL) iha fakuldade Siénsia Saúde kursu Saúde Públiku grau Lisensiatura hetan pontuasaun 279,69 ekivalente 70% ho klasifikasaun C, kursu Enfremária Jerál grau Lisensiatura hetan pontuasaun 301,52 ekivalente 75% ho klasifikasaun B, kursu Dentaria grau Baxarelatu hetan pontuasaun 276,26 ekivalente 26% ho klasifikasaun C. fakuldade Enjeñaria kursu petróleu, grau akadémiku Lisensiatura hetan pontuasaun 247,54 ekivalente 62% ho klasifikasaun C.
Institutu Superiór Cristal (ISC) iha fakuldade Siénsia Saúde kursu Enfermajen grau akadémiku Lisensiatura hetan pontuasaun 313,05 ekivalente 78% ho klasifikasaun B, kursu Parteira grau akadémiku Baxarelatu hetan pontuasaun 329,35 ekivalente 82% ho klasifikasaun B.
Universidade Oriental Timor-Lorosa’e (UNITAL), fakuldade Siénsia Saúde kursu Enfermajen, grau akadémiku Lisensiatura hetan pontuasaun 274,96 ekivalente 69% ho klasifikasaun C, fakuldade Agrikultura kursu Peska grau akadémiku Lisensiatura hetan pontuasaun 229,22 ekivalente 57% ho klasifikasaun C, kursu Sivíl Kultura Floresta grau Lisensiatura hetan pontuasaun 209,97 ekivalente 525 ho klasifikasaun C.
Fakuldade Siénsia Sosiál Polítika kursu Siénsia Administrasaun Públika grau Lisensiatura hetan pontuasaun 200,5 ekivalente 50% ho klasifikasaun C, kursu Komunikasaun Sosiál grau Lisensiatura hetan pontuasaun 212,59 ekivalente 53% ho klasifikasaun C, fakuldade Direitu kursu Direitu grau lisensiatura hetan pontuasaun 229,70 ekivalente 57% ho klasifikasaun C.
Universidade da Paz (UNPAZ) iha fakuldade Direitu kursu Siénsia Lei grau Mestradu hetan pontuasaun 235,58 ekivalente 59% ho klasifikasaun C, fakuldade Saúde públika kursu Saúde Públika grau Mestradu hetan pontuasaun 264,53 ekivalente 66% ho klasifikasaun C.
Universidade Timor-Lorosa’e (UNTL) iha fakuldade Medisina Siénsia Saúde kursu Nutrisaun grau Lisensiatura hetan pontuasaun 269,95 ekivalente 67% ho klasifikasaun C, kursu Farmásia grau Lisensiatura hetan pontuasaun 268,51 ekivalente 67% ho klasifikasaun C, fakuldade Edukasaun Arte Umanidade kursu Edukasaun Fízika no Desportu grau Baxarelatu hetan pontuasaun 223,27 ekivalente 56% ho klasifikasaun C, kursu Lian tetun grau Lisensiatura hetan pontuasaun 275,70 ekivalente 69% ho klasifikasaun C.
Fakuldade Siénsia Sosiál kursu Komunikasaun Sosiál grau Lisensiatura hetan pontuasaun 306,33 ekivalente 77%, ho klasifikasaun B, kursu Relasaun Internasionál grau Lisensiatura hetan pontuasaun 247,96 ekivalente 62% ho klasifikasaun C.
Iha biban hanesan, ANAAA fó sai mós katak IESSP tolu hanesan IOB, DIT no UNTL hetan klasifikasaun exelente.
“IOB, DIT no UNTL hetan klasifikasaun A ho pontuasaun 92, 90 no 91,” Diretór Ezekutivu ANAAA, Edmundo Viegas, informa.
Enkuantu, Institutu Profisional de Canossa (IPDC), Institutu Siénsia Relijioza (ICR), ICFP no UNPAZ hetan klasifikasaun B.
Jornalista : Tomé Amado
Editora : Julia Chatarina
