COVALIMA, POLÍTIKA

Publikasaun nótisia Agência TATOLI, I.P fasilita informasaun ba autoridade Covalima

Publikasaun nótisia Agência TATOLI, I.P fasilita informasaun ba autoridade Covalima

Sekretáriu Administrasaun Munisípiu Covalima, Francisco de Jesus Alves. Imajen Tatoli/Celstina Teles.

COVALIMA, 23 jullu 2022 (TATOLI)–Sekretáriu Administrasaun Munisípiu Covalima, Francisco de Jesus Alves hateten, ho públikasaun notísia Agência TATOLI, I.P fó sai  informasaun ne’ebé kredivél, lais no atuál, hodi fasilita informasaun ba autoridade sira iha Covalima.

Notísia  Relevante: Bankada PLP husu Agência TATOLI tenke sai mídia krítiku-independente

“Ha’u hanoin publikasaun notísia Agência TATOLI, I.P durante ne’e, fasilita tebes ami kualker informasaun tanba lais no atualizadu, ami bele asesu direta kedas hanesan informasaun akontese iha ne’ebé de’it. Bainhira, ohin, akontesimentu ruma ami bele asesu kedas,” Francisco de Jesus Alves iforma ba Agência Tatoli, relasiona ho aniversáriu TATOLI, I.P ba dala-neen (6) ne’ebé sei selebra iha 27 jullu ne’e, iha resintu Igreja Ave Maria Suai.

Nune’e, ho aniversáriu Agência TATOLI, I.P ba tinan ne’e hanesan pasu di’ak ba Tatoli ne’ebé sai matan no tilun ba povu sira iha área rurál hodi asesu informasaun no kontinua servisu ho dedikasaun tomak.

“Ha’u hanoin ida-ne’e pasu di’ak ida ba Agência Tatoli tanba bele sai matan, tilun, ibun ba povu sira-ne’ebé iha área rurál bele asesu ita-boot sira-nia informasaun atu kontinua nafatin servisu ho dedikasaun ho aniversáriu Tatoli iha tinan ne’e. Ha’u iha esperansa boot ba Agência Tatoli atu habelar nafatin informasaun ne’ebé loos no di’ak ba povu sira,” nia hateten.

Maske ho jornalista destakadu ema na’in-ida iha Munisípiu Covalima ho limitasaun oioin maibé hatudu nia rezultadu ho di’ak, ho razaun katak bele fasilita informasuan ba autoridade Covalima sira bele asesu informasaun lais no atuál.

Autoridade ne’e rekomenda ba Konlselu Diretivu Agência TATOLI, I.P, ba futuru atu aumenta funsionáriu destakadu to’o iha postu administrativu no aumenta ekipamentu hodi moderniza servisu ho di’ak liután, no presiza hadi’a fatin ba pesoál sira atu hala’o servisu loro-loron nian.

“Ita-boot sira-nia servisu di’ak tebes maske pesoál Tatoli ho limitadu maibé hatudu servisu di’ak tebes, tanba ne’e ba oin presiza aumenta pesoál no aumenta ekipamentu hodi bele moderniza liután imi-nia servisu,” nia dehan.

Ho nune’e, durante halo publikasaun nótisia ne’e sufisiénte ona tanba ema hotu fasil asesu informasaun liu-liu sidadaun sira-ne’ebé uza telefone (Hand Phone) bele asesu informasaun hos lais no atuál.

“Publikasaun notísia durante ne’e ita bele dehan sufisiente tanba ema hotu fasil atu asesu liu-liu ema-ne’ebé mak iha telefone bele asesu kedas informasaun,” nia dehan.

Nottísia Reelevante:  PR Horta enkoraja TATOLI kontinua públika informasaun loos ba públiku  

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!