BOBONARO, HEADLINE, MUNISÍPIU, POLÍTIKA

DTT Bobonaro enkoraja Tatoli kontinua hadi’a kualidade notísia

DTT Bobonaro enkoraja Tatoli kontinua hadi’a kualidade notísia

Diretór Transporte Terrestre Munisípiu Bobonaro, José Paulo Henriques Baptista. Imajen Tatoli/Sérgio da Cruz.

DILI, 28 jullu 2022 (TATOLI) – Diretór Transporte Terrestre (DTT), Munisípiu Bobonaro, José Paulo Henriques Baptista, husu Agência Tatoli, Institutu Públiku, atu kontinua hadi’a kualidade notísia hodi fornese informasaun kredivel ba públiku.

Notísia relevante: Autoridade Bobonaro sei fó espasu permanente ba Agência Tatoli

“Presiza hadi’ak kualidade redasaun, sé bele buat-ne’ebé fó-sai tiha ona, labele repete, liafuan balu ne’ebé dalaruma ita tenke halo nia estrutura sistemátiku. Ida-ne’e mak ami-nia mensajen, nune’e ami agardese nafatin tanba durante ne’e Tatoli públika ona papél DTT nian,” nia informa liuhosi telefónika, kinta ne’e.

Nia agradese ba Tatoli tanba ho prezensa Jornalista destakadu munisípiu Bobonaro nian konsege partilla ona informasaun ligada ho serbisu atendimentu públiku diresaun transporte nian.

Nia dehan, ho aniversáriu Agência Tatoli ba dala-neen presiza aumenta kobertura iha munisípiu no partilla tán informasaun hosi instituisaun seluk.

”Ha’u lori diresaun transporte terrestre munisipál Bobonaro, hakarak hato’o parabéns ba aniversáriu ba Agência Tatoli ba dala-neen. Ami espera ba oin Tatoli kontinua fornese informasaun ne’ebé kredivel, aktuál, faktuál liután, nu’udar fonte informasaun ofisiál ne’ebé mak fó-sai hosi kada institutuisaun estadu ne’ebé halao kna’ar iha munisípiu Bobonaro” nia katak.

Ajénsia TATOLI.IP nu’udar ajénsia ofisiál estadu Timor-Leste nian. Ezisténsia Ajénsia TATOLI.IP mai hosi inisiativa Sekretáriu Estadu Komunikasaun Sosiál (SEKOMS), iha 2012-2017.

TATOLI.IP nu’udar transformasaun hosi ETNA (East Timor News Agency), ne’ebé depois nakfila ba ANTIL (Ajénsia Notisioza Timor-Leste). Ajénsia estadu ne’e hetan aprovasaun iha Konsellu Ministru no públika iha Jornál Repúblika, iha loron 14 marsu 2016, nu’udar embriaun ho naran ANTIL.

ANTIL ne’e lansa hosi Primeiru-ministru, Rui Maria de Araújo, iha loron 27 juñu 2016. Iha marsu 2017, Konsellu-ministru aprova ANTIL sai TATOLI, nu’udar ajénsia ofisiál estadu Timor-Leste nian no publika iha Jornál Repúblika. TATOLI ho nia estatutu rasik nu’udar Institutu Públiku (IP).

Objetivu primeiru estabelese ajénsia estadu Timor-Leste mak sai fonte informasaun ofisiál estadu Timor-Leste ne’ebé iha kapasidade no kbiit elabora produtu informasaun no notísia ne’ebé nesesita hosi públiku utilizadór informasaun iha eskala nasionál, rejionál no internasionál.

Segundu mak nu’udar implementadór konstituisaun ne’ebé sai devér governu nian atu fó serbisu oferese informasaun ne’ebé kredivel no loos nomós sai direitu informasaun sosiedade Timor-Leste ne’ebé ne’ebé garantidu hosi artigu 40 no 41 konstituisaun Timor-Leste nian.

Terseiru mak nu’udar instituisaun komunikasaun informasaun, Ajénsia TATOLI.IP la’ós de’it sai produtór informasaun maibé mós bele iha papél nu’udar “National information clearing house” ne’ebé iha tarefa fó klarifikasaun no informasaun serteza, halakon misinformasaun no disinformasaun. Bele sai nu’udar “área istória” no “eskritór istória” pátria, nasaun, sosiedade nomós nu’udar “maklibur no fornesedór informasaun públiku”.

Kuartu mak halo ajénsia notisioza TATOLI.IP nu’udar padraun minimál kompeténsia jornalístika ba jornalista Timor-Leste ne’ebé sempre bele produz produtu informasaun-kareira jornalístika ne’ebé iha kualidade tuir dinámika sosiál no nesesidade informasaun sosiedade nian.

“Fenómena no dinámika sosiál” ne’ebé “dinámika komunikasaun” ne’ebé estimula ho dezenvolvimentu teknolojia komunikasaun-informasaun lori konsekuénsia iha Timor-Leste ho paradigma  nesesidade informasaun públiku iha ne’ebé TATOLI nu’udar ajénsia notísia nasionál Timor-Leste ne’ebé la’ós de’it ezije atu bele fornese pakote informasaun iha kontextu “mainstream” maibé iha futuru bele mós obrigadu produz informasaun alternativa ho karáter “taylor made” ne’ebé propoin hosi utilizadór informasaun determinada.

TATOLI nu’udar ajénsia notísia Timor-Leste ho karakter multikanál, multimedia, multiplataforma no multitarefa ne’ebé bele mós dezenvolvidu no iha funsaun nu’udar sentru produsaun filme no dokumentasaun nasaun, sentru opiniaun públiku nomós fórum informasaun públiku, sentru jestaun arkivu no dokumentu nasaun nomós sentru edukasaun-formasaun peskiza no dezenvolvimentu komunikasaun aplikada.

Funsaun oioin, papel, abilidade no feramenta komunikasaun institusionál ajénsia notisioza ne’e iha nia tempu bele fontes konsumu ba ajénsia notisioza ne’ebé posibilita ajénsia notísia Timor-Leste ne’e moris, krexe no dezenvolve nu’udar instituisaun komunikasaun ho karakter “income generate” (bele rezulta konsumidór) no la bebeik nu’udar “cost center” (sai pezu finanseiru).

TATOLI.IP nu’udar ajénsia notísia nasionál Timor-Leste ne’ebé moris, krexe, ne’ebé dezenvolve ho jestaun ne’ebé profisionál, apoiadu hosi rekursu umanu ne’ebé kompetente ho apoiu saláriu minimál ne’ebé sufisiente no ho apresia kompeténsia no kapasidade nia jornalista sira halo bele sai “modelu” no “padraun indústria komunikasaun-informasaun no prátika jornalístika” futuru ne’ebé ho kualidade-dignidade nu’udar inventáriu nasionál Timor-Leste.

Notísia relevante: PDHJ Bobonaro enkoraja Tatoli kontinua divulga informasaun kredivel ba sosiedade

Jornalista   : Sérgio da Cruz

Editór         : Evaristo Soares Martins

iklan
iklan

Leave a Reply

iklan
error: Content is protected !!