COVALIMA, POLÍTIKA

KVMC sei hasai sirkulár veteranu prenxe formuláriu forma grupu hakiak animál

KVMC sei hasai sirkulár veteranu prenxe formuláriu forma grupu hakiak animál

Prezidente Konsellu Veteranu Munisípiu Covalima, Osório Soares ‘Mausoko’. Imajen Tatoli/Celestina Teles.

COVALIMA, 03 agostu 2022 (TATOLI)–Prezidente Konsellu Veteranu Munisípiu Covalima (KVMC), Osório Soares “Mausoco”, hateten konsellu veteranu sei hasai karta sirkulár ba veteranu sira atu prenxe formuláriu forma grupu hakiak animál iha munisípiu Covalima.

Notísia Relevante: SASCAS-CCLN selebra akordu apoiu grupu veteranu 0-3 no 4-7

“Ha’u sei hasai karta ida ba sira hotu-hotu atu mai prenxe formuláriu iha konselu veteranu tanba veteranu sira foin mak estabelese grupu haat (4) atu haki’ak animál, liu-liu ba veteranu sira-ne’ebé ho grau 0-3 no 4-7. Karta sirkulár ne’e, ha’u sei asai iha 17 ka 18 agostu, tanba ami halo preparasaun atu halo sensibilizasaun orsamentu  biliaun $1 hodi halo enkontru hafoin haruka sira prenxe formuláriu,” Osório Soares “Mausoco” informa ba Agência Tatoli,  iha nia kna’ar fatin, Tabakolot, kuarta ne’e.

Razaun konsellu veteranu Covalima hasai karta sirkulár ne’e, tanba iha munisípiu Covalima  veteranu kategória grau 0-3 ho 4-7 foin mak estabelese sira-nia grupu hakiak animál iha postu administrativu hanesan Zumalai, Fatululik no Maucatar maibé  postu sira-seluk seidauk forma grupu ne’ebé atu hakiak animál hanesan fahi, karau, manu no ikan.

Tuir loloos grupu hakiak animál ne’e ba veteranu sira ho grau 0-3 no 4-7 hodi forma grupu iha postu hitu, maibé tanba momentu ne’e udan entaun veteranu sira balun la mai no labele hetan informasaun ho loloos.

Enkuantu, totál orsamentu ba grupu hakiak animál ne’e hamutuk $38,000 ne’ebé tyuir planu sei fahe ba grupu veteranu ho grau 0-3 no 4-7 ho osan $20,000, fahe osan ba estudante nivél sekubdáriu $10,000 no fahe ba osan transporte no komvustível hamutuk $8000.

Notísia Relevante: Veteranu Covalima kria grupu hakiak animál

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!