COVALIMA, SEGURANSA

PNTL-VPU Covalima menus rekursu umanu

PNTL-VPU Covalima menus rekursu umanu

Komandante PNTL Munisípiu Covalima, Superintendente Polísia Basílio de Jesus. Imajen Tatoli/Celestina Teles.

COVALIMA, 05 agostu 2022 (TATOLI)–Komandante PNTL Munisípiu Covalima, Superintendente Polísia Basilio de Jesus informa, Polísia Nasionál Timor-Leste sub-seksaun Unidade Ema Vulneravél (PNTL-VPU) iha Covalima menus rekursu umanu.

Notísia Relevante: Janeiru-jullu: PNTL-VPU Covalima rejista kazu 23

“Talves ita bele dehan sufisiénte, talves ita-bele dehan rekursu umanu PNTL-VPU iha Covalima menus. Hanesan kazu ne’ebé violénsia domestíka no abuzu seksuál aas, ita iha Covalima, iha polísia feminina PNTL-VPU, ita iha de’it polísia femenina na’in-ida, hetan tan apoiu na’in-rua maibé númeru atendimentu númeru violasaun sira kuaze iha semana iha hela de’it no aas tebes”, Superintendente Polísia Basilio de Jesus hateten ba jornalista sira iha Bairru Costa, Covalima.

Razaun tanba sa mak menus rekursu umanu, nia dehan, ida-nee fila-fali ba Komandu Jerál PNTL nia kompeténsia no polítika.

“Ida-ne’e ita-nia Komandu Jerál PNTL nia kompeténsia no polítika. Se númeru menus tanbasá, ema iha mak ita la koloka ba PNTL sub-seksaun PNTL-VPU ka ne’e tanba ema la to’o duni atu bele koloka iha sub-seksaun refere,” nia dehan.

Nia dehan, PNTL-VPU Covalima nia volume atendimentu ba kazu ne’e aas, entaun bele koloka polísia femenina na’in-tolu ka lima hanesan ne’e sufisiénte ona, nune’e sira bele halo atendimentu ho di’ak no halo rotasaun servisu.

“Ita-nia sarjentu na’in-ida iha seksaun ida-ne’e servisu laiha feriadu tanba ema laiha. Kualker tempu no iha loron sábadu no domingu, bainhira akontese kazu, nia pronto atu atende. Ha’u bolu-nia tenke atende labele deskansa tanba menus pesoál. Se ita lakohi servisu sé mak atu servisu. Tanba ne’e, ita bele dehan seidauk sufisiénte atu koloka ema iha ne’ebá. Ita espera, iha future, bele aumenta tan nune’e ita-nia atendimentu kapaas no lais liu,” nia hateten.

Maske iha covalima rejistu kazu violénsia doméstika no violénsia seksuál aas ne’ebé, la lembra númeru hira, maibé buka meiu atu tenta redúss kazu liuhosi polísia komunitária no Ofisiál Polísia Suku tenke servisu makaas hodi eduka sidadaun sira hodi hakribi violénsia.

Tanba ema ne’ebé halo asaun krime ema-sira ne’ebé komprende ona asaun krime no balun mós lae, entaun polísia nafatin iha pasu prevensaun ba ida-ne’e.

“Se Covalima numeru aas, ha’u hanesan komandante iha ona planu atu halo prevensaun liuhosi ita fó formasaun, halo edukasuan sivika iha suku sira-ne’e tenke hatene asaun krime violasaun seksuál no violénsia doméstika ne’e krime,” nia dehan.

Notísia Relevante: PNTL Femenina tuir formasaun vizaun ba igualdade jéneru iha Covalima

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!