Labarik 43.000 la asesu edukasaun-hala’o servisu infantil
DILI, 09 agostu 2022 (TATOLI)–Prezidente Komisaun Nasionál Kontra Kombate Infantil no Inspesaun Jerál (CNCCI-IG), Aniceto Leto Soro, relata hosi labarik traballu infantil iha Timor-Leste hamutuk 52,651 ne’e labarik ho idade 5-7 ne’ebé la asesu edukasaun hamutuk 43.000 no hala’o servisu infantil.
Notísia Relevante: CNCCTI-IG identifika labarik 40% iha territóriu nasionál la asesu edukasaun
“Tuir rezultadu peskiza hosi CNCCI-IG iha 2016 ne’e hatudu katak hosi labarik traballu infantil hamutuk 52.651 iha teritórriu nasionál ne’e, iha labarik 43.000 mak la asesu ba eskola no sira-nia atividade loro-loron mak hala’o servisu infantil,” Aniceto Leto Soro hateten ba Agência Tatoli, iha nia kna’ar fatin Hudi Laran, Dili, tersa ne’e.
Labarik sira-ne’e iha situsaun traballu infantil, nune’e prejudika sira atu asesu edukasaun ba dezenvolvimentu fíziku no intelektuál.
Notísia Relevante: CNCCTI-IG relata Traballu Infantil iha TL hamutuk 52.000 ba Xefe Estadu
Labarik sira hala’o atividade servisu sosiál nian no halo servisu iha públiku hamutuk 29.109 ho 43,8%; Agrikultura no Floresta nian hamutuk 25.636 ho 38,6%; labarik fase karreta no motor sira inklui servisu domestika hamutuk 4,936 ho 7,4%; servisu pineira rai-henek hamutuk 3.213 ho 5%; labarik servisu iha fabrika hamutuk 1.031 ho 2%; labarik hakail ikan 814 ho 1,2%; labarik ne’ebé mak servisu iha eskola (cleaner) hamutuk 723 ho 1,1%.
Nia informa, peskiza ne’e hala’o iha munisipiu sira iha territóriu nasionál hatudu katak labarik sira halo atividade ida-ne’e tanba nesesidade ekonómia mak obriga entaun tenke halo servisu todan.
Notísia Relevante: CNCCTI-IG relata rekomendasaun neen traballu infantil ba MKAE
Jornalista : Osória Marques
Editór : Cancio Ximenes
