iklan

JUSTISA, SEGURANSA

MP prepara rekursu kontra desizaun TDD ba kazu tráfiku no ilísitu droga

MP prepara rekursu kontra desizaun TDD ba kazu tráfiku no ilísitu droga

Arguidu ba kazu droga sira bainhira ba halo primeiru interrogatóriu iha Tribunál Distritál Dili, segunda (15/08/2022). Imajen Tatoli/António Daciparu

DILI, 18 agostu 2022 (TATOLI)—Ministériu Públiku (MP) hahú prepara rekursu ba Tribunál Rekursu hodi kontra desizaun primeiru interogatórriu Tribunál Distritál Dili (TDD)-nian kona-ba kazu ilísitu ba droga ne’ebé aplika medida koasaun Termu Indetidade Rezidénsia (TIR) no aprezentasaun periódika ba arguidu na’in-sia.

Tribunál Distritál Dili (TDD) liuhosi juiz José Gonçalves aplika medida koasaun Termu Identidade Rezidénsia (TIR) no aprezentasaun periódika ba arguidu na’in-sia ho inisiál DGS, MM, B, MAA, AY, SSO, M, CRMS no J tanba konsidera faktu la sufisiente.

Notísia relevante: Laiha faktu sufisiente, TDD aplika TIR ba arguidu nain-sia ba kazu ilísitu droga

Nune’e, Prokuradór Rogério Viegas, hateten hahú prepara rekursu hodi submete ba Tribunál Rekursu (TR) hodi haree no anula desizaun TDD kona-ba medida koasaun TIR no aprezentasaun periódika  ba fali medida koasaun  prizaun preventiva ba arguidu na’in-sia ba kazu ilísitu ba droga.

“Hanesan prokuradór ne’ebé ka’er kazu ne’e, daudaun ne’e ha’u prepara ona rekrusu tuir prazu loron 15, hahú desizaun Tribunál iha primeira instánsia hodi hato’o ba Tribunál Rekursu hodi haree fali ka anula desizaun Tribunál Distritál Dili nian hosi medida koasaun termu identidade rezidénsia (TIR) no aprezentasaun períodika ba fali medida koasaun prizaun preventiva”, Prokrudór Rogerio Viegas hateten ba TATOLI via telefônika, kinta ne’e.

Tanba, nia dehan maske iha alegasaun interrogatóriu dahuluk, MP husu akuza arguidu sira ho krime tráfiku no atividade ilísita ne’ebé previstu iha artigu 7 (tráfiku no atividade ilísita) lei númeru 02/2017, 25 janeiru. Maibé, Tribunál Distritál Dili aplika TIR no aprezentasaun periódika.

Nune’e, Prokuradór Rogerio Veigas dehan MP la aseita hodi hato’o rekursu ba Tribunál Rekursu atu anula medida koasaun TIR no aprezentasaun periódika ba fali médida koasaun prizaun preventiva

“Posibilidade ba arguidu nain-sia ne’ebé envolve kazu droga foin dadaun ne’e sei halo kontinuasaun julgamentu, maibé ha’u labele ko’alia buat ruma tanba kazu ne’e sei iha hela prosesu nia laran no ministériu públiku mós kontinua buka evidénsia”, tenik Prokuradór Rogerio.

Notísia relevante:TDD julga arguidu na’in-sia ba kazu tráfiku no atividade ilísita

Jornalista  : Natalino Costa

Editór          : Florencio Miranda Ximenes

iklan
iklan

Leave a Reply

iklan
error: Content is protected !!