DILI, 25 agostu 2022 (TATOLI)—Prezidente Repúblika (PR), José Ramos Horta, husu ba Ministériu Públiku atu arkiva tiha kazu hasoru jornalista timoroan na’in-rua ne’ebé daudaun ne’e hasoru hela prosesu legál.
Notísia Relevante: Violasaun segredu justisa, Jornalista Raimundo Oki presta deklarasaun ba PCIC
“Ne’e hau hanoin arkiva tiha kazu. Buat bara-barak, Prokuradoria Jerá Repúblika, ha’u hanoin laiha segredu liu dalaruma prokuradór rasik mak ko’alia, ne’eduni hau hatete lalika. Ha’u husu ba prokuradoria arkiva tiha,” PR Horta hateten ba jornalista sira iha edifísiu CNE, Caicoli, kinta ne’e.
Aleinde ne’e, Xefe Estadu mós husu mós ba governante balun atu dada fila-fali keixa seluk ne’ebé hasoru jornalista timoroan ida.
“Depois ho kazu ida ho Ministru Komunikasaun Sosiál atu arkiva ka kansela tiha keixa ne’e, ha’u husu favór alin ministru ne’e kansela tiha keixa ne’e,” nia husu.
Horta dehan, ministru iha razaun duni atu hato’o keixa maibé jornalista nu’udár umanu ne’ebé la sees hosi sala.
Notísia Relevante: CI husu PR Horta akompaña kazu legál ne’ebé jornalista hasoru
TL nia liberdade imprensa di’ak maibé mídia enfrenta dezafiu
Jornalista : Nelson de Sousa
Editór : Cancio Ximenes
