DILI, 26 agostu 2022 (TATOLI)—Diretór Obra Públika Autoridade Munisípiu Dili (AMD), Sabino da Costa, hateten tanba orsamentu limitadu mak Governu liuhosi Autoridade Munisípiu Dili (AMD) seidauk konstrui moru ba semit’eriu públiku Metinaro.
Notisia Relevante: Semana oin, AMD halo sensibilizasaun ba komunidade utiliza semitériu públiku Metinaro
“Ita-nia planu semitériu públiku iha Metinaro atu tau moru, maibé orsamentu mak limitadu, entaun ami diskute ho Prezidente (Munisípiu Dili) katak, bele ateru uluk lai, tanba ateru mak importante. Hanesan, uluk IGE halo ateru ba semitériu Metinaro, maibé la hotu, ne’ebé agora orsamentu mai mós rihun $185 ami kalkula ba mai moru labele halo, tanba osan la to’o. Ateru de’it osan la to’o, satán atu konstrui moru,” Diretór Obra Públika Autoridade Munisípiu Dili (AMD), Sabino da Costa, hateten ba Agência Tatoli, iha nia kna’ar fatin, Díli, sesta ne’e.
Nia haeteten, ba tinan oin, Obra Públika Autoridade Munisípiu Dili (AMD) tau planu no kontinua palnea atu konstrui moru ba semitériu públiku Metinaro.
“Semitériu ha Metinaro hanesan semitériu públiku, entaun planu ba oin ami tenke konstrui duni moru hale’u semitériu refere. Maibé agora ami aseita uluk ho osan rihun $185 hodi halo uluk mak ateru ne’e tanba orsamentu kiik no halo istimasaun ba mai la hetan, tanba ne’e rihun $185 ne’e ami atende uluk ba ateru,” nia dehan.
Governu planea atu mudak fali semitériu públiku ba iha metinaro tanba semitériu públiku Because ne’e atu nakonu ona.
Notisia Relevante: MAE: fulan ida-rua tan semitériu Becuse nakonu ona
Jornalista : Nelia Fernandes
Editór : Cancio Ximenes
