iklan

COVALIMA, POLÍTIKA

TL tenke hatuur rekonsiliasaun ho dalan justisa hodi kria pás

TL tenke hatuur rekonsiliasaun ho dalan justisa hodi kria pás

Pároku Igreja Ave Maria Sua, Pe. Sebastião Eugênio da Cruz Correia. Imajen Tatoli/Celestina Teles.

COVALIMA, 30 agostu 2022 (TATOLI)–Paróku Igreja Ave Maria Suai, Pe. Sebastião Eugénio da Cruz Correia, hateten Timor- Leste presiza iha rekonsiliasaun maibé tenke hatuur rekonsiliasaun ho dalan justisa hodi bele kria pás.

Notísia Relevante: Rekonsiliasaun bele halakon diskriminasaun no kontribui ba prosesu dezenvolvimentu

“Ba-ha’u rekonsiliasaun ida-ne’e di’ak ba-ita no mós ba ita-nia maluk ne’ebé sei iha sorin, ne’ebé sira fila mai hakarak deszenvolve rai bele fila mai maibé tenke ho dalan justisa atu labele hakanek ema seluk. Ita tenke simu tanba raan ida, tanba politíka mak halo ita fahe malu,” Pe. Sebastião Eugénio da Cruz Correia hateten ba Agencia Tatoli iha nia rezidénsia Igreja Ave Maria Suai, tersa ne’e.

Razaun rekonsiliasaun ho dalan justisa tanba luta-na’in ho sira barak mak seidauk hetan servisu, bainhira ema ne’ebé mak la luta hetan servisu ida ne’e sei hamosu proteste barak maske bele iha rekonsiliasaun maibé tenke ho dalan justisa hodi kria pás.

“Rekonsiliasaun la tuir ba dalan justisa entaun la konstrui ba pás. Ita-nia ema balun liman mean (raan) fó servisu, nia ema ne’ebé mak iha luta seidauk hetan servisu. Ida-ne’e rekonsiliasaun la lori pás rekonsiliasaun ba pás hotu hotu tenke tuir dalan justisa,” nia dehan.

Maske Timor leste ukun an ona bainhira Estadu hakarak harii rekonsiliasaun tenke loro-loron la’ós iha konflitu mak foin halo rekonsiliasaun.

“Ita ukun rasik an ona hakarak iha rekonsiliasaun ne’ebé ho nia funsaun bainhira atu harii pás tenke liuhosi rekonsiliasaun maibé rekonsiliasaun atu haree uluk akontesimentu lori sidadaun fila mai tenke ho dalan justisa hodi bele kria pás,” nia dehan.

Rekonsiliasaun sei relevante tanba atu hadame sidadaun sira-ne’ebé uluk inimigu, nune’e bainhira sidadaun sira iha Timor Osidentál mai simu sira hanesan familia bainhira kontaktu nia hakarak fila mai depende hosi justisa.

“Rekonsiliasaun liuhosi justisa ita-haree kategória sira-nia sala ne’ebé balun la presiza atu lori ba dalan justisa maibé sala ne’ebé mak hakotu ema nia vida ida-ne’e ketak ba sira-ne’e mak iha sala sunu uma, hakilar viva Indonézia,” nia dehan.

Notísia Relevante: Pe. Juvito: CAVR halo rekonsiliasaun envolve vítima-suspeitu atu simu malu

Jornalista : Celestina Teles.

Ediór          : Cancio Ximenes

iklan
iklan

Leave a Reply

iklan
error: Content is protected !!