iklan

HEADLINE, MUNISÍPIU, VIQUEQUE

Suspeitu taa joven iha Uatulari submete ba primeiru interrogatóriu iha TDB

Suspeitu taa joven iha Uatulari submete ba primeiru interrogatóriu iha TDB

Tribunál Distritál Baucau. Imajen Tatoli/Natalino Belo

VIQUEQUE, 05 setembru 2022 (TATOLI)-Polísia Nasionál Timor-Leste (PNTL) munisípiu Viqueque detein ona suspeitu ida ho inisiál JSPA, idade 16, hosi aldeia Asamuta, suku Babulo, postu Uatulari, munisípiu Viqueque iha Eskuadra Uatulari sabádu (03/09).

Suspeitu ne’e ba kazu taa kanek joven ida iha aldeia Iraler, suku Matahoi postu adiministrativu Uatulari.

“Kazu ne’e akontesementu iha loron 03 setembru 2022 maizumenus tuku 01:30 meia-noite. PNTL identifika kazu ne’e ho tipu tentativa omesida no suspeitu JSPA ohin dadeersan ami lori ona ba primeiru interrogatóriu iha Tribunál Distritál Baucau (TDB),” Inspetór Xefe PNTL munisípiu Viqueque, José Afonso, hateten ba jornalista sira iha PNTL munisípiu Viqueque, segunda ne’e.

Notísia relevante: Ema deskoñesidu taa kanek joven ida iha Uatulari

Tuir kronolojia, vítima ba partisipa serimónia diálogu iha aldeia Iraler, hafoin vítima sente hamlaha nune’e nia ba kios sosa dose atu han, maibé to’o iha dalan klaran vítima hateke fila haree suspeitu taa kedas vítima iha parte ulun.

“Suspeitu taa kanek tiha vítima nune’e nia hakilar maka ema halai ba haree vítima ne’ebé hetan kanek,” nia akresenta.

Hafoin vítima hetan taa, pesoál saúde evakua vítima hosi fatin akontesimentu bá sentru saúde Uatulari iha tuku 03:00 dadeer.

Pesoál saúde identifika vítima ninia kanek iha parte ulun parte karuk 12cm no profunidade 5cm.

“Ami hanaran supra ótiku no kanek ida parte iha matan leten ho diametru 3 cm no profunidade 2cm. Sentru saúde kontinua evakua ba ospitál internamentu Viqueque hodi halo tratamentu ba ninia kanek,” nia haktuir.

Jornalista   : Vitorino Lopes da Costa

Editora        : Julia Chatarina

iklan
iklan

Leave a Reply

iklan
error: Content is protected !!