DARWIN, 11 setembru 2022 (TATOLI) – Prezidente Repúblika, José Ramos Horta defende kadoras Greater Sunrise (GSR) dada ba Timor-Leste, tanba haree ba distánsia besik liu ba Timor-Leste (TL) kompara ho Darwin, Austrália.
“Atualmente, 80% gás, internasionalmente, rekoñese katak ida ne’e besik liubá Timor-Leste duke ba Austrália. Tanba ne’e, ami prefere kadoras ba Timor-Leste,” José Ramos Horta bainhira vizita Sentru nasionál ba kuidadu krítiku no trauma, iha Darwin, fin-de-semana ne’e.
Notísia relevante:PM Taur afirma kadoras tenke dada mai Timor-Leste
“Ida ne’e mak ami-nia pozisaun iha tinan-20 ikus ne’e,” Xefe Estadu timoroan ne’e defende perante jornalista sira.
Notísia relevante:Timor-Leste dezmente empreza Woodside hakarak dada kadoras bá Austrália
Prezidente repúblika haklaken, relasaun ho dada kadoras ka pipeline ba Timor-Leste sei bazea ba reabilidade, predikabilidade no viabilidade, alende desizaun polítika. “Sei bazea ba teknolojia, realibilidade husi projetu ida ne’e, predikabilidade; komersiál, finansiál, viabilidade. Ida ne’e mak desizaun ne’ebé mak sei bazea”.
Notísia relevante: Xanana kontra pozisaun Woodside kona-ba kadoras Greater Sunrise
Jornalista: Rafy Belo
Editór: Evaristo Soares Martins
