iklan

COVALIMA, POLÍTIKA

Populasaun Covalima partisipa iha sensu populasaun 2022 atinje ona 69%

Populasaun Covalima partisipa iha sensu populasaun 2022 atinje ona 69%

Diretòr Jeral estátistika, Elias dos Santos Ferreira (númeru 2 hosi liman kuana), la’o ain hodi monitoriza servisu enumeradòr ba sensu populasaun 2022 iha postu administrative Fatululik. Imajen Tatoli/Celestina Teles.

COVALIMA, 16 setembru 2022 (TATOLI)–Diretór Jeral Estatístika, Elias dos Santos Ferreira relata, populasun Covalima ne’ebé partisipa iha sensu populasaun 2022 ne’e atinje ona 69% ne’ebé ekivalente ho númeru populasaun hamutuk 50,869.

Notísia Relevante: PR husu públiku kontribui dadus loloos iha ámbitu sensu populasaun 2022

“Ita haree dadus hosi munisípiu Covalima, poluasaun  69% mak partisipa ona sensu populasaun ekivalente ho númeru populasaun 50,869 ne’ebé kompostu hosi mane 25.661 no feto 25.166 ne’e, kuaze atu finaliza ona maske foin hala’o servisu loron 10 bele hetan ona metade. Nune’e,  semana rua tan bele finaliza ona,” Elias dos Santos Ferreira informa ba jornalista sira iha suku Dato-Tolu, postu administrativu Fohorem, munisípiu Covalima, sesta ne’e.

Bazea ba  observasaun katak servisu la’o  di’ak no iha área enumerasaun balun mós finaliza ona mak hanesan iha postu adminisrativu Fatululik sei finaliza semanu rua,  tanba ne’e enkoraja nafatin sira atu kontinua hala’o servisu.

Durante enumeradór sira hala’o sensu populasaun ne’e, administradór postu no xefe suku sira entuziasmu atu partisipa tanba dadus importante halo dezenvolvimentu iha sira-nia suku no postu ne’e bele halo planu dezenvolvimentu.

“Ha’u espera, iha semana rua tan ita bele finaliza sensu populasaun ne’e, Maske iha fatin balun ema preokupa maibé ekipa tenta nafatin. La’ós ha’u mesak mak halo vizita maibé iha dirasaun sira seluk sai membru komisaun teknika ba vizita kada postu administrativu no suku sira-ne’ebé identifika iha terrenu hodi fo motivasaun ba enumeradór no supervizór sira,” nia dehan.

Entretantu, Diretór Jerál Estatístika, Elias dos Santos Ferreira, akompañadu hosi xefe departamentu estatíska Covalima ho nia ekipa, monitoriza servisu  ba enumeradór iha postu administrativu Maucatar, Fatululik, Fohorem no Tilomar iha munisípiu Covalima.

“Ami-nia ekipa hosi nasionál ne’ebé akompaña hosi xefe departamentu estatístika Covalima hamutuk ho ekipa halo monitorizasaun ba atividade sensu populasaun uma-kain 2022. Horisehik ami halo monitorizaun iha  postu  Zumalai maibé ohin halo monitorizasaun iha postu Maucatar Fatululik, Fohorem no Tilomar,” nia dehan.

Monitorizaun ne’e importante hodi bele haree besik liu tanba dala barak mosu problema liga ho mapa no enumerasaun no entrevistadór sira-nia prosesu entrevista durante sensu populasaun uma-kain.

Ho monitorizaun ida-ne’e atu enkoraja enumeradór sira iha área rurál tanba postu administrativu Fatululik iha área ne’ebé remota.

Durante monitoriza servisu enumeradór ho supervizór sira  iha munisípiu ne’ebé pretense, iha área rurál  ne’e, sira iha inisiativa ne’ebé di’ak, ho nune’e governu liuhosi Dirasaun jerál estatístika (DGE, sigla Portugés) halo rekrutamentu ba ema iha suku, nune’e bele hala’o servisu ho di’ak  iha ida-idak nia suku.

“Enumeradór sira bainhira foti dadus laloos sei afeta ita-boot sira-nia suku rasik. Iha munisípiu Covalima, entrevistadór na’in-133 no supervisor na’in-37 mak hala’o servisu iha munisípiu Covalima,” nia hateten.

Diretór Jerál estatistika nia prezensa iha Covalima halo monitorizasaun iha postu Maucatar kobre suku Holpilat, Fatululik kobre iha suku Taroman, Fohorem kobre iha suku Dato-Tolu, Lactos no Fohorem, postu Tilomar  kobre suku Lalawa hodi observa mós uma MDG.

Sensus populasaun 2022 hahú iha loron 05 fulan-setembru no sei ramata iha loron 05 fulan-outubru tinan 2022.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!