iklan

INTERNASIONÁL, POLÍTIKA

Semana ne’e, ekipa unidade misaun apoiu prosesu resensiamentu dezloka ba Guiné-Bisau

Semana ne’e, ekipa unidade misaun apoiu prosesu resensiamentu dezloka ba Guiné-Bisau

Diretór Jerál STAE, Acilino Manuel Branco. Imajen TATOLI/António ‘Dasiparu’ Gonçalves.

DILI, 21 setembru 2022 (TATOLI)–Diretór Jerál Sekretariadu Téknika Administrasaun Eleitorál (STAE), Acilino Manuel Branco, hateten iha semana ne’e Ekipa Unidade Misaun Apoiu prosesu resensiamentu sei dezloka ba Guiné-Bisau,

Notísia Relevante: Governu nomea Acilino Branco lidera ekipa misaun apoia Guiné-Bissau

“Tuir planu semana ida-ne’e sei aranka, maibé depende mós ba ita-nia prosesu administrativu ne’ebé sei la’o hela iha parte Ministériu Negósiu Estranjeiru no Kooperasaun (MNEK),” Acilino Branco hateten ba Agência TATOLI, iha nia kna’ar fatin Caicoli, Dili, kuarta ne’e.

Nia hatutan, hein de’it prosesu administrativu no kona-ba preparasaun téknika ne’e preparadu hotu ona no hein de’it administrativu viajen nian. Ekipa unidade ne’e sei apoiu pontu haat (4) ba prosesu resensiamentu eleitorál iha Guiné-Bisau.

“Ekipa unidade ne’e sei apoiu tékniku hanesan materiál liga ho tékniku nian balun, re-ativa sira-nia sistema, depois lori kapasitasaun ba sira no ikus mak ita halo akompañamentu ba indísiu prosesu resensiamentu to’o ekipa sei fila-fali mai Timor-Leste,” nia dehan.

Ekipa Unidade Misaun Apoiu prosesu resensiamentu iha Guiné Bisau sei termina nia misaun iha loron 15 novembru 2022.

Notísia Relevante: Vise-MAE nomeadu sai reprezentante espesiál ba prosesu resensiamentu eleitorál Guiné-Bisau

Jornalista : Osória Marques

Editór         : Cancio Ximenes

iklan
iklan

Leave a Reply

iklan
error: Content is protected !!