iklan

NASIONÁL, HEADLINE, KAPITÁL

Presiza rekursu di’ak jere institutu formasaun jornalista

Presiza rekursu di’ak jere institutu formasaun jornalista

Ministru Asuntu Parlamentár no Komunikasaun Sosiál, Francisco Martins da Costa Pereira Jerónimo. Imajen Tatoli/Francisco Sony

DILI, 03 outubru 2022 (TATOLI)–Ministru Asuntu Parlamentár no Komunikasaun Sosiál (MAPKOMS), Francisco Martins da Costa Perreira Jerónimo, segunda ne’e, entrega ona planu estabelesementu Institutu Formasaun Jornalista ba Primeiru-Ministru (PM), Taur Matan Ruak.

“Ha’u ho Primeiru-Ministru ko’alia kona-ba planu estabelesemetu institutu formasaun jornalista, ha’u aprezenta relatóriu ho estudu. Ami na’in-rua diskute oituan kona-ba oinsá progresu ba futuru tanba ita agora ko’alia kona-ba sustentabilidade, sé mak atu sustenta iha futuru, ekonómikamente ne’e iha dalan ka lae, bele para moris ka lae, ita tenke kuidadu,” Prezidente FFTL hateten, hafoin relata serbisu ministériu ba Primeiru-Ministru, iha Rezidénsia Farol, segunda ne’e.

Notísia relevante: Semana oin, MAPKOMS aprezenta estabelesimentu Institutu Formasaun Jornalista ba PM

Hafoin entrega relatóriu ne’e, Xefe Governu husu opiniaun balun hosi MAPKOMS ligadu estabelesimentu institute.

“Husu ha’u-nia opiniaun, ha’u dehan de’it katak problema ekonomikamente no sustentabilidade ba futuru ho atu jere ida-ne’e presiza rekursu ne’ebé di’ak inklui fatin, ne’ebé to’o oras ne’e ita seidauk iha preparasaun,” nia akresenta.

Daudaun iha sentru formasaun hanesan Sentru Formasaun Téknika Komunikasaun (CEFTEC, sigla portuges) maibé presiza halo preparasaun.

“Primeiru-Ministru simu relatóriu no deside sei hasoru malu fali hodi halo diskusaun kle’an liután molok foti desizaun ikus,” nia tenik.

Jornalista   : Antónia Gusmão

Editora       : Julia Chatarina

iklan
iklan

Leave a Reply

iklan
error: Content is protected !!