iklan

HEADLINE, SAÚDE

SSMD husu komunidade hamoos uma-ninin hodi prevene dengue

SSMD husu komunidade hamoos uma-ninin hodi prevene dengue

Ilustrasaun dengue. Imajen/Espesiál

DILI, 03 outubru 2022 (TATOLI)— Diretora Servisu Saúde Munisípiu Dili (SSMD), Agostinha Segurado, apela ba komunidade sira iha kapitál Dili atu halo limpeza jerál liuliu hamoos uma-ninin sira hodi prevene surtu dengue iha tempu udan.

Ekipa Servisu Saúde Munisípiu Dili mós halo ona sensibilizasaun informasaun ba komunidade iha postu administrativu sira iha kapitál Dili atu halo prevensaun ba moras dengue tanba udan hahú monu rai.

“Ita halo intervensaun ba moras dengue mak ita nia ekipa sira tama sai postu administrativu sira, hanesan Dom Aleixo, Cristo Rei, Nain Feto, Vera Kruz    inklui suku no aldeia sira halo sensibilizasaun informasaun ba komunidade atu halo limpeza hodi prevene dengue iha tempu udan,” Diretora ne’e hateten ba Agência TATOLI iha Matadoru-Dili, segunda ne’e.

Fasilidade Saúde sira iha Dili laran mós hahú hala’o kampaña liuhosi meiu audiovisuál sira, kona-ba mesajen importante sira ba prevensaun dengue.

“Ita nia ekipa sira mós prepara ona ai-moruk abate no fomigasaun atu halo distribui iha semana ida ne’e nia laran. Ita mós tau prioridade ba kritéru ida katak suku sira tenke moos hosi lixu ida ne’e mak ita nia prevensaun atu labele hamosu tan kazu dengue hamate ema,”katak nian.

Notísia relevante:  Servisu Saúde Munisípiu Dili prepara prevene moras dengue iha tempu udan

Jornalista : Felicidade Ximenes

Editór         : Florencio Miranda Ximenes

iklan
iklan

Leave a Reply

iklan
error: Content is protected !!