iklan

JUSTISA, HEADLINE

Kazu mate iha sela polísia, MP delega kompeténsia ba PCIC loke prosesu investigasaun 

Kazu mate iha sela polísia, MP delega kompeténsia ba PCIC loke prosesu investigasaun 

Deskonfia joven ida ho insiál JB tara-aan iha sela detensaun Komandu PNTL Dili. Imajen/Natalino Costa.

DILI, 04 outubru 2022 (TATOLI)— Ministériu Públiku (MP) liuhosi Prokuradór Titulár, Jacinto Babo, delega ona kompeténsia ba Polísia Siéntifiku Investigasaun Kriminál (PCIC, sigla Portugés), hodi kontinua loke investigasaun ba José Bernardo nia-mate iha sela detensaun Komandu Polisia Nasionál Timor-Leste (PNTL) Munisípiu Dili.

Joven ho naran José Bernardo “Andriano” mate iha sela Komandu Komandu PNTL Dili, Cacoli ho kondisaun fiu eletrisidade iha kakorok, iha loron kinta (1/9).

Notísia relevante:  MP prepara halo inkéritu ba kazu José Bernardo nia-mate

“Kazu ne’e, Ministeriu Públiku (MP), delega ona kompeténsia ba Polísia Siéntifika Investigasaun Kriminál (PCIC, sigla portugés) atu  kontinua loke investigasaun  hodi hatene loloos motivu hosi joven ne’e nia mate iha sela detensaun Polísia,” hateten Prokuradór Titulár Jacinto Babo, ba Agência TATOLI via telefónika, tersa ne’e.

MP fó kompeténsia ba PCIC atu investiga kazu ne’e liuliu haree bá motivu hosi José Bernardo “Adriano” nia-mate no sei halo ezamesaun ba iha materiál sira ne’ebé antes ne’e ekipa rekolla iha fatin akontesimentu

“Kazu ne’e agora iha hotu ona faze investigasaun hosi PCIC, hosi investigasaun ba kazu ne’e sei foku ba motivu hosi joven ne’e nia mate,” katak nia.

Hataan ba prazu investigasaun ba kazu ne’e, Prokuradór Titular ne’e dehan, tuir lei normálmente investigasaun ba kazu sira hanesan ne’e iha prazu loron 30.

Maibé, iha prosesu ne’e depende ba PCIC atu halo investigasaun mak liu prazu loron 30, tuir lei PCIC bele husu tán fila fali tempu, kuandu investigasaun ne’e seidauk konklui.

“Tanba ba kazu sira hanesan ne’e ba ita tempu la importante, importante maka oinsá ita halo investigasaun ho di’ak,” nia afirma.

Notísia relevante:  Kazu mate iha sela polísia, PNTL fó suspensaun preventiva ba membru na’in-ualu

Jornalista: Natalino Costa

Editór      : Florencio Miranda Ximenes

iklan
iklan

Leave a Reply

iklan
error: Content is protected !!