EKONOMIA, HEADLINE

Governu aloka millaun $18 ba BTL, E.P iha OJE 2023

Governu aloka millaun $18 ba BTL, E.P iha OJE 2023

Prezidente Konsellu Administrasaun BTL, E.P, Carlos Peloi dos Reis. Imajen Tatoli/Francisco Sony

DILI, 14 outubru 2022 (TATOLI)—Prezidente Konsellu Administrasaun Bee Timor-Leste, Empreza Públika (BTL, E.P), Carlos Peloi dos Reis, hateten, Governu aloka millaun $18 ba BTL, E.P iha Orsamentu Jerál Estadu (OJE) 2023.

“Orsamentu millaun $18 ne’e sei fahe ba kategoria rua hanesan operasionál, ne’ebé inklui saláriu ba funsionáriu sira inklui bens no servisu, liuliu servisu sira ne’ebé fornese ba BTL, E.P hanesan seguransa ba rezervatória no seluk tan,” Prezidente Konsellu Administrasaun BTL, E.P informa ba Agência Tatoli, iha Caicoli, sesta ne’e.

Notísia relevante: BTL, E.P kontrata empreza tolu mellora sistema bee-moos iha munisípiu haat

Enkuantu, alokasaun ba kapitál menór atu sosa ekipamentu bee ho kustu millaun $6 no maioria ne’e ba liu kapitál dezenvolvimentu ne’ebé mak uza selu projetu hanesan kontrata empreza sira ne’ebé daudaun asina kontratu ho BTL, E.P ba melloramentu sistema bee-moos inklui postu administrativu 14 ne’ebé ekipa sei halo levantamentu dadus.

“Osan sira ne’e ita uza la’o tuir programa ne’ebé iha,” nia akresenta.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!