DILI, 15 uutubru 2022 (TATOLI) – Ministru Prezidénsia Konsellu Ministru, Fidelis Manuel Leite Magalhães, hateten ohin loron Estadu Timor-Leste no Governu Indonézia ko’alia ona kona-ba zona livre komérsiu iha fronteira rai-maran iha futuru.
“Ami hakarak fahe informasaun balun kona-ba sorumutu entre xefe governu ho ministru na’in-haat no Governadór Repúblika Indonézia nian LEMHANNAS, Governadór Nussa Tenggara Timur (NTT), Viktor Bungtilu Laiskodar no Emprezáriu Indonézia, Tommy Winata hodi ko’alia kona-ba zona free Trade zona (zona free Trade) entre Timor-Leste no Indonézia,” Ministru Fidelis informa jornalista sira, hafoin sorumutui ha Palásiu Governu, sábadu ne’e.
Governante ne’e hateten, enkontru ne’e hanesan rezultadu husi kooperasaun entre Estadu rua iha fulan hirak ikus ne’e, bainhira Xefe Estadu Timor-Leste, Jose Ramos Horta ho nia omólogu iha Indonézia.
“Ho razaun ida-ne’e, sorumutu ohin nian foti pasu importante balun atu materializa no hakle’an liután iha implementasaun desizaun kona-ba kooperasaun entre nasaun rua ne’e, hanesan zona free Trade between East Timor no Indonézia.
Governadór LEMHANNAS, Andi Widjajanto, kontente ho Governu Timor-Leste, hanesan Primeiru-Ministru no nia ofisiál sira Governu nian, atu informa ba Prezidente Repúblika Indonézia hodi aselera prosesu serbisu hamutuk iha área free trade entre Timor-Leste no Indonézia.
“Ha’u hanoin katak kooperasaun ne’e sei realiza iha tempu badak. Tanba ne’e, Estadu rua ne’e sei hametin kooperasaun iha dezenvolvimentu ekonómiku no estabilidade país nian,” nia esplika.
Partisipa iha sorumutu ne’e Prezidente Rejiaun Administrativa Espesiál Oé-Cuse Ambeno (RAEOA), Arsenio Paixão Bano, ekipa Governadór Indonézia.
Jornalista : Osória Marques
Editór: Evaristo Soares Martins
