iklan

EKONOMIA, HEADLINE

Traballadór 125 sei bá serbisu iha Koreia Súl fulan ne’e

Traballadór 125 sei bá serbisu iha Koreia Súl fulan ne’e

Diretór Nasionál Empregu Exteriór SEFOPE, Filomeno Soares. Imajen Tatoli/Egas Cristóvão

DILI, 07 novembru 2022 (TATOLI)—Diretór Nasionál Empregu Exteriór (DNEE), Filomeno Soares, informa, traballadór timor-oan hamutuk 125 sei bá serbisu iha Koreia Súl iha fulan ne’e.

“Trablladór 125 ne’ebé prepara ona ita sei haruka ba Koreia Súl iha fulan-novembru tinan ne’e, ba área fábrika no peska, ne’ebé hosi númeru ne’e horiseik na’in-16 bá uluk ona,” Diretór hateten iha salaun Sentru Formasaun Senai, Becora, segunda ne’e.

Nia dehan, SEFOPE kontinua prepara trablladór sira nune’e bainhira empreza sira presiza bele haruka sira bá serbisu.

“Ohin ita hamutuk ho HRD Korea realiza tan preliminary trainning ba kandidatu traballadór Koreia Súl hamutuk 150, ho objetivu atu hanorin sira kona-ba kultura, disiplina no ambiente serbisu, nune’e bele kompriende molok tama serbisu,” nia akresenta.

Notísia relevante: SEFOPE prevee millaun $5 resin ba prioridade haat iha tinan 2023

Kandidatu traballadór 150 ne’ebé ohinpartisipa treinamentu, kompostu hosi feto tolu no mane 147.

“Husu atu oportunidade ne’ebé imi hetan, hadook-an hosi ransu livre no kuidadu saúde, nune’e oportunidade iha bele bá serbisu tanba atu bá iha Koreia Súl mak deteta moras no halo krime, mak sei kansela hodi hein filafali oportunidade tuir mai,” Diretór fó hanoin.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!