iklan

EDUKASAUN, HEADLINE

Senadu Jerál UNTL husu adia oráriu aprendizajen ba lorokraik

Senadu Jerál UNTL husu adia oráriu aprendizajen ba lorokraik

Membru PNTL halo hela seguransa iha kampus sentrál UNTL nia oin, hodi tau-matan ba manifestante AMN, kuarta (16/11). Imajen Tatoli/António Daciparu

DILI, 23 novembru 2022 (TATOLI)–Portavóz Aliansa Maubere Nasionál (AMN), Gaspar Maugamu, garante asaun pasífika ne’ebé sira halo iha kampus sentrál Universidade Nasionál Timor-Leste (UNTL) ne’e la prejudika estudante sira atu simu matéria.

“Ita simu ona kontaktu hosi Senadu Jerál katak nia mós halo ona kontaktu ho dekanu fakuldade sira katak provizoriemente sira bele adia oras ba estudante sira iha tempu lorokraik hodi bele simu matéria,” Portavóz AMN hateten ba Agência Tatoli, iha kampus sentrál UNTL, kuarta ne’e.

Tanba universidade ne’e ninia oras livre, maski iha ona oráriu maibé kuandu iha buat ruma maka akontese ho urjentemente dekanu sira bele foti desizaun hodi muda tempu.

Notísia relevante: AMN iha kestaun haat sei hato’o ba PN

Tuir oráriu AMN ne’ebé deside katak asaun pasifíka ne’ebé halo iha kampus sentrál ne’e, semana ida dala-tolu, iha segunda tersa no kuarta de’it.

“Tanba ne’e, dekanu sira bele aproveita hosi tempu kinta, sesta no sábadu bele realiza prosesu ensinu aprendizajen ba estudante sira iha tempu dadeer no lorokraik,” nia akresenta.

Senadu Jerál husu ba sira atu bainhira asaun pasifika ne’ebé hala’o iha kampus sentrál ne’e hetan intervensaun hosi dekanu fakuldade ida maka bele informa atubele hatene hodi buka hasoru malu ho dekanu refere atu buka solusaun.

Jornalista   : Tomé Amado

Editora        : Julia Chatarina

iklan
iklan

Leave a Reply

iklan
error: Content is protected !!