iklan

NASIONÁL, HEADLINE, POLÍTIKA

PR Horta kondekora timoroan na’in-22 no estranjeiru na’in-haat

PR Horta kondekora timoroan na’in-22 no estranjeiru na’in-haat

Prezidente Repúblika (PR), José Ramos Horta, kondekora timoroan hamutuk na’in-22 no sidadaun Estranjeiru na’in-haat iha komemorasaun loron Proklamasaun Independénsia ba dala-47, segunda (28/11) ne’e. Imajen Tatoli/Anito Soares.

MANATUTO, 28 novembru 2022 (TATOLI)—Prezidente Repúblika (PR), José Ramos Horta, segunda ne’e, kondekora timoroan hamutuk na’in-22 no sidadaun Estranjeiru na’in-haat iha komemorasaun loron Proklamasaun Independénsia ba dala-47 (1975-2022) ne’ebé hala’o iha suku Aiteas, postu administrativu Manatuto Vila, munisípiu Manatuto.

Notísia Relevante: PR Horta orgullu ho progresu dezenvolvimentu iha Timor-Leste

Xefe Estadu atribui medalla sira ne’e bazeia ba dekretu Prezidente Repúblika númeru 94/2022, 24 novembru.

“Ho nune’e atribui kondekorasaun ho medalla Colar Ordem Timor-Leste ba Timoroan na’in-22”, refere deklarasaun hosi pesoál Gabinete Palásiu Prezidente Repúblika, iha ámbitu komemorasaun loron Proklamasaun Independénsia ba dala-47 ne’e.

Konstituisaun Repúblika Demokrátiku Timor-Leste, artigu 11 hateten katak RDTL rekoñese no fó valór ba povu Maubere nia rezisténsia tinan atus ba atus hasoru dominasaun hosi rai-li’ur nomós ba sira hotu ne’ebé fó kontribuisaun ba indepedénsia nasionál.

Alende ne’e bazeia mós ba Lei númeru 3/2006, 12 fulan-abríl sobre Kombatente Nasionál, ne’ebé altera ho Lei númeru 9/2009, 29 fulan-jullu ba Lei númeru 2/2011, 23 marsu, reafirma kompromisu Estadu hodi rekoñese no valoriza esforsu manifestadu no Kombatente Libertasaun Nasionál no fó omenajen ba mártires ne’ebé luta ba indepedénsia.

Timoroan hirak ne’ebe mak simu medalla Colar Ordem Timor-Leste  mak hanesan António Soares ‘Tata Mailau’ (segundu komandante Rejiaun) ho grau Colar, enkuantu sira seluk ho grau Medalla kompostu hosi Alexandre dos Santos ‘Makikit Lemorai’ (Asistente Polítiku Rejiaun), Domingos Pinto Gabriel ‘Berliku Lian Timur’, (Asistente Polítiku Rejiaun Nakroman’, Celina Jerónimo ‘Bi Besi’ (Asistente Polítiku Rejiaun Nakroman), Luisa Ximenes ‘Cassa’ (Vise-Responsável Ajitasaun Propaganda), José Vidigal ‘Jaca China Mau’ (Komandante Pelutaun), Manuel Soares ‘Funu Lakan’ (Komandante Pelutaun), Manuel de Jesus ‘Fulan Sia’ (Komandante Pelutaun).

Domingos Augusto ‘Deker’ (Komandante Unidade), Pedro Braga ‘Piter’ (Komandante Destakamentu), Alberto Loiolok dos Reis ‘Hadulas’ (Soldadu), Carlos Soares ‘Lalika’ (Soldadu), António Amaral Sores ‘Ordalin’ (Soldadu), Albino da Costa ‘Kmanek’ (Soldadu), Pedro de Brito Beredeu ‘Tane Liman Lamu’ (Soldadu), António de Jesus ‘Terus Tahan (Soldadu), Armando Marçal Gomes ‘Lorico Rai Nain’ (Soldadu), Jacob Fernandes ‘Seu’ (Soldadu), Domingos Borges Soares ‘Halibur’ (Soldadu), Floriando Soares Borges (Hakat Sai (Soldadu), Maria Madeira Jong ‘Ferik’ (Membru OMPT), no Petrolina de Brito ‘Bui Tane Liman’ (Membru OPMT).

Enkuantu, sidadaun estranjeiru na’in haat ne’ebé hetan medalla méritu hosi Prezidente Repúblika mak hanesan Martin Jhon Dunne, Noel Bayley, Gusti i Made Agung Sudjana, no Viktor Bungtilu Laskodat.

Jornalista : Antónia Gusmão

Editór       : Cancio Ximenes

iklan
iklan

Leave a Reply

iklan
error: Content is protected !!