PR Horta kondekora veteranu na’in-28 iha Covalima
COVALIMA, 28 novembru 2022 (TATOLI)–Prezidente Repúblika, José Ramos Horta, segunda ne’e, kondekora veteranu na’in-28 ne’ebé rejista iha tinan 2003 no 2005 iha Covalima, nu’udar rekoñesimentu no valorizasaun Estadu ba asaun patriotizmu no sira-nia luta Timor-Leste nia ukun rasik-an.
Serimónia kondekorasaun ne’e atribui direta hosi Segundu Vise Primeiru-Ministru, José Maria dos Reis, ba veteranu sira ho ho medalla ordem Nicolau Lobato no Orderm Gerillia iha ámbitu komemorasaun loron proklamasaun independénsia 28 novembru ba dala-47 iha Aeroportu Kay Rala Xanana Gusmão, Covalima, segunda ne’e.
Notísia Relevante: PR Horta kondekora timoroan na’in-22 no estranjeiru na’in-haat
“PR kondekora veteranu sira-ne’e hanesan jestu no polítiku ida ho responsabilidade hodi bele hahi ita-nia asswa’in sira-nia partisipasaun ho sira-nia vontade rasik, sira-nia determinasaun atu bele atinje ohin ita hotu moris,” José Maria dos Reis hateten ba jornalista sira.
Kondekorasaun ne’e, atribui hodi entrega medallia ba veteran sira mak segundu Vise Primeiru-Ministru José Maria dos Reis, reprezentante veteranu Covalima iha nasionál, Francisco Doutel Sarmento “Lamesak”, Martinho Amarál Cova, Osório Soares “Mausoko”, Sekretáriu Zona Zumalai, Ponciano Barreto no sekretáriu zona Suai, Francisco Mendonça “Tatemero” no Prezidente Konsellu Veteranu Munisípiu Covalima, Osóriu Soares “Mausoko”.
“Ha’u mós atu hato’o informasaun ba veteranu sira-ne’ebé mak seidauk simu kondekorasaun karik hahú ohin ba oin mai aprezenta an iha Konselu Veteranu Munisípiu Covalima atu haruka naran ba iha nasionál,” nia dehan.
Iha biban ne’e, nia fo hanaoin ba veteranu sira iha munisípiu Covalima iha obrigasaun morál tomak atu sukat no suku uniforme veteran nian.
Veteranu na’in-28 ne’e hosi postu administrativu sira hanesan postu Fohorem ne’ebé simu medalla ordem Nicolau Lobato ho naran Afonso do Rego “Taka Mutin”, Fernando Ferreira “Bui Laun”, Germano Freitas “Cudul”, João Moniz “Maurakat” no Marcelino Ferreira “Kikit” ne’ebé simu medalla ordem gerrilia.
Veteranu hosi postu admiistrativu Suai ne’ebé simu medalla ordem Nicolau Lobato mak hanesan Alexandre Maia, António Amarál “Dadurus”, Armindo de Deus Revas, Marcelo Lao Bau “Manu Metan”, Vilanova dos Reis “Sorun Tolu”, José dos Santos “Maubatar”.
Hosi postu administrativu Maucatar, veteranu ne’ebé simu medalla ordem Nicolau Lobato mak Anacleto do Nascimento “Foru Babuta”, Eugebio do Carmo “Bere Lecu”, Jeremias Gusmão “Leok Lotu”, Maria da Costa “Lotu Sadia” no Olimpia Gusmão.
Veteranu hosi postu administrativu Fatumea ne’ebé simu simu medalla ordem Nicolau Lobato mak hanesan Andre Amaral, Cipriano dos Santos “Anin Fuik” no Claudino Amaral nomos veteran sira hosi postu administrativu Fatullik ne’ebé simi ordem Nicolau Lobato mak Francisco da C. Albeto “Hanono” no Agapito Mau “Acamana”.
Notísia Relevante: Veteranu Covalima 20 sei simu kondekorasaun iha 28 novembru
Jornalista : Celestina Teles
Editór : Cancio Ximenes
