iklan

EKONOMIA, HEADLINE

BTL, E.P rekolla reseita $537.000 resin tinan ne’e

BTL, E.P rekolla reseita $537.000 resin tinan ne’e

Distribuisaun bee-moos. Imajen/BTL, E.P

DILI, 05 dezembru 2022 (TATOLI)—Bee Timor-Leste, Empreza Públika (BTL, E.P) rekolla reseita $537.000 resin hosi kliente utilizadór bee-moos, iha tinan ne’e.

“Tuir alvu tinan ne’e, ita rekolla reseita $200.000 maibé ita konsege liu tia alvu hodi rekolla $537.000 resin, hahú janeiru to’o 02 dezembru 2022,” Prezidente Konsellu Administrasaun BTL, E.P, Carlos Peloi dos Reis, informa liuhosi programa entrevista eskluziva, iha estúdiu Farol, segunda ne’e.

Reseita ne’e rekolla hosi kliente iha territóriu tomak, ne’ebé rejista daudaun iha 29.000.

“Hosi numéru ne’e, barak mós seidauk rejista, maibé daudaun ne’e ita-nia ekipa kontinua rekolla dadus hodi hatama ba sistema, nune’e ita fornese bee di’ak liután ba komunidade,” nia akresenta.

Notísia relevante: BTL, E.P tau prioridade kapitál postu administrativu 48 bele asesu bee-moos

Nia dehan, durante tinan barak setór bee la’o maibé neineik, tanba ne’e VIII Governu Konstituisionál, iha tinan 2020 halo reforma ba Diresaun Jerál Água no Sanementu ba BTL, E.P ho intensaun atubele aselera servisu bee no saneamentu ba komunidade iha territóriu laran tomak.

“Hafoin eziste iha tinan 2021 to’o ohin, kuaze tinan rua ona, ita hare iha mudansa lubuk ida ona ba servisu bee-moos, tanba ita kontinua asina akordu ho empreza sira halo melloramentu ba sistema bee-mos iha kada munisípiu. Ita rekoñese maski iha fatin balun komundade sei kontinua halerik ba bee-moos maibé fiar katak tempu ruma komunidade hotu bele asesu ona,” nia otimista.

Jornalista   : Arminda Fonseca

Editora        : Julia Chatarina

iklan
iklan

Leave a Reply

iklan
error: Content is protected !!