Top

Asesór ho saláriu $5000 sei la simu saláriu désimu terseiru

Ministru Asuntu Parlamentár no Komunikasaun Sosiál, Francisco Jerónimo (MAPKOMS). Imajen Tatoli/Francisco Sony

DILI, 12 dezembru 2022 (TATOLI)—Ministru ba Asuntu Parlamentár no Komunikasaun Sosiál (MAKPOMS), Francisco Jerónimo, klarifika asesór nasionál ho internasionál ne’ebé ho saláriu $5000 sei la simu sálariu désimu terseiru.

Notísia Relevante: Governu labele altera saláriu désimu terseiru tanba aprova ona iha PN

“Relasiona ho saláriu désimu terseiru, ami hanoin polémika ida duni. Tanba, lei rasik seidauk promulga ita mak halo polémika uluk ona. Iha lei ne’e la dehan katak funsionáriu públiku sira la hetan saláriu désimu terseiru no hateten iha ne’eba funsionáriu públiku no ajente sira hotu-hotu só iha lei ne’e hatete de’it katak asesór internasionál ne’ebé saláriu mais $5000 mak la hetan saláriu désimu terseiru, Governante ne’e hateten hodi responde preokupasaun Deputadu sira-nian iha reuniaun plenária Parlamentu Nasionál, segunda ne’e.

Kestaun saláriu désimu terseiru ne’e agora mós sai polémika hela maibé Governu haree katak lei ne’e seidauk promulga no hein hela Prezidente Repúblika sei iha nia opiniaun rasik, nune’e Governu mós hakarak rona kona-ba asesór nasionál no internasionál sira.

Tanba, nia dehan, iha lei ne’e nia laran hateten asesór nasionál no internasionál ne’ebé nia saláriu menus hosi $5000 iha direitu ida atu hetan saláriu báziku ne’ebé mai hosi ninia level hanesan  Diretór Jerál la’ós nia simu nia saláriu hanesan fulan-fulan kompletu.

“Sira simu ida-ne’ebé hanesan saláriu báziku no funsionáriu hotu ne’ebé mak simu saláriu désimu terseiru mós simu saláriu báziku la’ós simu remunerasaun kompletu, tanba ne’e mak agora hein hela promulgasaun hosi Prezidente Repúblika.

Deputadu PD, António da Conceição, hakarak hato’o ba Governu relasiona diferensa saida mak subsídiu fim do ano $200 ba uma kain ho saláriu désimu terseiru ne’ebé mak anualmente la’o.

Nia dehan, esplikasaun ne’ebé durante la’o halo funsionáriu públiku sente laran moras tebes bai nhira ema-ne’ebé simu saláriu mais $500 la simu saláriu désimu terseiru.

“Iha informasaun ne’ebé baralla tebe, ha’u hanoin husu Governu atu bele diferensa buat rua ne’e. Ida seluk ne’e subsídiu tanba iha eleisaun ida-ne’ebé mak liu ba no iha orsamentu retifikativu ida ita ko’alia espesífiku mós kona-ba subsídiu ne’e,” nia dehan.

Ida-ne’e la’ós invalida tiha direitu funsionáriu anualmente simu tiha ona no karik mak akontese invalida tiha, ida-ne’e primeira vés nune’e espera Governu bele diferensa tiha subsídiu ba família maibé ida seluk ne’e saláriu désimu terseiru ba funsionáriu.

“Ne’eduni, ami husu Governu se bele tenke pondera desizaun sira la’ós jeneraliza buat hotu,” nia hateten.

Deputada Frente Mudansa, Isabela Ximenes, sekunda kona-ba direitu saláriu désimu terseiru ba funsionáriu públiku sira, Governu tenke tetu didi’ak no tenke konsidera duni kona-ba diferensa entre kompromisu polítiku ne’ebé mak altura hato’o subsídiu $200 no ida-ne’ebé direitu funsionáriu públiku sira-nian ba iha saláriu désimu terseiru.

“Désimu terseiru hanoin sira-nia direitu ne’ebé funsionariu públiku hotu-hotu tenke hetan, no iha funsionáriu privadu sira mós kontinua hetan saida mak direitu ona,” nia hateten.

Tanba ne’e, Governu presiza haree kestaun ne’e importante tebes labele hasai fali direitu funsiona

Notísia Relevante: Prezidente Repúblika husu ajusta buat balun iha saláriu désimu terseiru

Jornalista : Nelson de Sousa

Editór        : Cancio Ximenes

Publisidade

Leave a Reply

Latest Post

error: Content is protected !!