BNCTL sei hala’o pagamentu ba idozu-invalidéz iha 19 dezembru
DILI, 12 dezembru 2022 (TATOLI)—Prezidente Institutu Nasionál Seguransa Sosiál (INSS), Longuinhos Armando Leite, informa Banku Nasionál Komérsiu Timor-Leste (BNCTL) sei hala’o pagamentu ba idozu no ema ho defisiensia sira ba faze daruak iha 19 novembru 2022.
Notísia Relevante: Tinan 2022: idozu no invalidéz aumenta 7.000-resin
Nia hatutan, tuir kalendáriu banku ne’e tenke hala’o pagamentu iha loron 13 desembru maibé adia tiha ona ba loron 19 dezembru tanba autoridade lokál sira husi munisípiu 12 no rejiaun Administrativa Espesiál Oé-Cusse Ambeno (RAEOA) sei foti osan iha loron 12 no sei mobiliza ba postu administrativu sira entre munisípiu iha 13 no 15 dezembru.
“Loloos ne’e ita halo pagamentu iha inísiu novembru maibé BNCTL sei hala’o pagamentu ne’e iha loron 19, ba ema 93.000-resin tanba BNCTL mós halo pagamentu ba programa subsídiu fim do ano $200 ba uma kain iha territóriu nasionál,” Longuinhos Leite hateten liuhosi konferénsia imprensa iha Caicoli, segunda ne’e.
Tuir nia, INSS ne’e rejista ona ema na’in-500,000 mak mate, tanba ne’e husu ba sira-nia família atu aprezenta deklarasaun ba autoridade lokál sira atu INSS bele hasai sira-nia narann hosi sistema.
Nune’e mós, INSS ne’e mós rejista benefisiáriu besik 700 ne’ebé la simu subsídiu iha faze dahuluk, ne’ebé Governu aloka orsamentu liu $57 ho ema 94.617 hetan benefísiu hosi fundu ne’e.
Notísia Relevante: 2020-2022: INSS rejistu idozu no invalidéz ne’ebé mate hamutuk 2.078
Jornalista : Osoria Marques
Editór : Cancio Ximenes
