DILI, 04 janieru 2023 (TATOLI)—Xefe suku Motael, postu administrativu Vera Crus, munisípiu Dili, Luis Gusmão Viegas, hateten komunidade 6.723 iha Motael ne’e sei simu Cesta Bázika iha 15 janeiru 2023.
Notísia Relevante: SECoop distribui Cesta Bázika ba munisípiu ualu atinje ona 40%
“Benefisiáriu iha suku Motael hamutuk 6.725 ne’e sei simu Cesta Bázika iha loron 15 janeiru tinan ne’e,” Luis Gusmão Viegas hateten ba Agência Tatoli hafoin partisipa serimónia entrega servisu hosi Komandante PNTL sesante Munisípiu Dili, Superintendente Xefe Henrique da Costa ba Komandante Munisípiu Dili, Superintendente Xefe Natércia Martins, iha salaun Komandu PNTL Caicoli, kuarta ne’e.
Nia dehan, Kompañia Coqyadygs Unipessoal Lda, mak sei prepara menu ai-han hanesan forerai, batar ikis, naan, mina-tein, sabaun, deterjen, lakeru japones, señora, no seluk tan.
“Ita-nia kompañia prepara item hamutuk 20 no hosi 20 ne’e 75% mak ai-han lokál no 25% importasaun nian,” nia dehan.
Suku Motael iha aldeia lima (5) mak hanesan aldeia Boa Morena, Hura, Bee-Dalan, Lirio no Halibur.
Notísia Relevante: PN aprova tán millaun $40 ba MTKI implementa Cesta Bázika
Jornalista : Osória Marques
Editór : Cancio Ximenes
