DILI, 05 janeiru 2023 (TATOLI)—Ministériu Transporte no Komunikasaun (MTK) liuhosi Diresaun Nasionál Transporte Terrestre (DNTT) rekolla reseita millaun $3.013.415,50 iha tinan 2022, hahú janeiru to’o novembru.
“Reseita ne’e ita konta hahú hosi janeiru to’o novembru 2022, ba dezembru nian ita seidauk fó sai tanba dadus seidauk tama,” Diretór Nasionál Transporte Terrestre, António da Costa, hateten, iha ninia knaar fatin, DNTT, Balide, kinta ne’e.
Notísia relevante: DNTT hahú distribui blanku karta kondusaun karreta no motór iha Dili
DNTT rekolla reseita hosi atividade hanesan rejistu veíkulu $1.384.663,50, xapa espesiál $21.300, DSPLOV $3.400, transporte públiku $127.650, DSPL $14.680, karta kondusaun $490.995 no inspesaun veíkulu $814.020.
“Osan sira ne’e selu iha banku ne’ebé direitamente ba kofre Estadu,” nia akresenta.
Jornalista : Arminda Fonseca
Editora : Julia Chatarina
